نائن زيرو تي ڇاپي جي دوران رينجر جي فائرنگ سان شهيد ٿيندڙ ايم ڪيو ايم جي ڪارڪن سيد وقاص علي شاھ کي هزارين آلين اکين سان گڏ شهداء قبرستان ۾ مٽي ماءُ حوالي ڪيو ويو.
ڪراچي؛ 12 مارچ 2015
نائن زيرو تي رينجر جي غيرقانوني ڇاپي جي دوران رينجر جي فائرنگ سان شهيد ٿيندڙ ايم ڪيو ايم شعبه اطلاعات جي ميمبر سيد وقاص علي شاھ شهيد کي هزارين آلين اکين سان گڏ ياسين آباد شهداء قبرستان ۾ مٽي ماءُ ڪيو ويو. ان کان اڳ شهيد جي جنازي نماز جناح گرائونڊ ۾ ادا ڪئي جنهن ۾ رابطا ڪميٽي جي جوائنٽ انچارجن ڊاڪٽر نصرت ۽ ڪهف الورٰي ، رابطا ڪميٽي ميمبرن، قومي ۽ صوبائي اسيمبلين جي ميمبرن، سيڪٽرن و يونٽن جي ذميوارن ۽ ڪارڪنن کان علاوه حق پرست عوام ۽ شهيد جي مٽن مائٽن هزارن جي تعداد ۾ شرڪت ڪئي ۽ شهيد کي تنظيمي خدمتن تي زبردست خراج تحسين به پيش ڪيو.ان موقعي تي سيد وقاص شهيد سميت سمورن شهيدن جي درجات جي بلندي، سيد وقاص شهيد جي قتل ۾ ملوث رينجر اهلڪارن جي گرفتاري ، قائد تحريڪ جناب الطاف حسين ۽ سمورن سوگوارن جي لاءِ صبر جميل، اسيرن جي جلد رهائي، لاپتا ڪارڪنن جي حفاظت سان واپسي، ايم ڪيو ايم جي ڪاميابي، سازشن جي خاتمي ۽ قائد تحريڪ جناب الطاف حسين جي صحت و تندرستي ۽ وڏي عمر جي لاءِ دعائون ڪيون ويون. شهيد جي سوگ ۾ شهر جي فضا سوگوار رهي ۽ دڪاندارن ۽ واپارين پنهنجو ڪاروبار بند رکيو ۽ ٽرانسپورٽ به روڊن تان غائب رهي.