سابق صدر مملڪت آصف علي زرداري ۽ ايم ڪيو ايم جي قائد جناب الطاف حسين جي وچ ۾ ٽيليفون تي ڳالھ ٻولھ.
قائد تحريڪ جناب الطاف حسين سابق صدر آصف علي زرداري کي نائن زيرو ۽ پنهنجي ڀيڻ جي گهر تي رينجر جي چاپي، ڪارڪنن جي گرفتارين ۽ رينجر جي فائرنگ سان نوجوان ڪارڪن وقاص شاھ جي شهادت جي واقعي جي تفصيلات کان به آگاھ ڪيو.
آصف زرداري جو ايم ڪيو ايم جي مرڪز نائن زيرو تي رينجر جي چاپي ۽ گرفتارين تي افسوس جو اظهار.
لنڊن؛ 11 مارچ 2015
سابق صدر آصف علي زرداري ۽ ايم ڪيو ايم جي قائد جناب الطاف حسين جي وچ ۾ ٽيليفون تي ڳالھ ٻولھ ٿي. جناب الطاف حسين جناب آصف علي زرداري کي پنهنجي رهائشگاھ نائن زيرو ۽ مختلف شعبن ۽ پنهنجي ڀيڻ جي گهر تي چاپي ، ٽوڙ ڦوڙ، ايم ڪيو ايم جي رابطا ڪميٽي جي ميمبرن، ڪارڪنن ۽ رينجر جي فائرنگ سان نوجوان ڪارڪن وقاص شاھ جي شهادت جي واقعي جي تفصيلات کان آگاھ ڪيو. جناب الطاف حسين جناب آصف علي زرداري سان ڳالھ ٻولھ ڪندي چيو ته ايم ڪيو ايم امن جي قيام جي لاءِ ڪوشان آهي ۽ اڄ ان جي مرڪز تي چاپو هنيو ويو آهي، جهڙي طرح عهديدارن ۽ ڪارڪنن کي گرفتار ڪيو ويو ۽ ٽوڙ ڦوڙ ڪئي وئي آهي ان جي جيتري به مذمت ڪئي وڃي اها گهٽ آهي. جناب آصف علي زرداري ايم ڪيو ايم جي مرڪز نائن زيرو تي رينجر جي چاپي جي مذمت ڪئي ۽ چيو ته سياسي جماعتن جي آفيسن جي تقدس جو احترام هر هڪ کي ڪرڻ گهرجي. ايم ڪيو ايم ملڪ جي هڪ وڏي جماعت آهي جيڪا ملڪ ۾ جمهوريت جي استحڪام جي لاءِ هڪ مثالي ڪردار ادا ڪري رهي آهي ۽ ان جي مرڪز تي چاپو افسوسناڪ آهي. آصف علي زرداري جناب الطاف حسين جي وڏي ڀيڻ محترمه سائره اسلم جي رهائشگاھ تي به رينجر جي چاپي ، ٽوڙ ڦوڙ ۽ گهر ۾ موجود عورتن سان توهين آميز رويي تي به وڏي افسوس جو اظهار ڪيو. جناب آصف علي زرداري جناب الطاف حسين کي خاطري ڪرائي ته پي پي ۽ ايم ڪيو ايم هر قسم جي حالتن ۾ جمهوريت جي بقا جي لاءِ پاڻ ۾ تعاون ۽ بهتر تعلقات کي برقرار رکنديون.