ايم ڪيو ايم جي اسيمبلي ميمبرن مزمل قريشي ۽ فيصل سبز واري ابوالحسن اصفهاني روڊ تي صفائي ۽ وڻ پوکڻ جي مهم ۾ شرڪت ڪئي.
ڪراچي؛ 10 مارچ 2015
متحده قومي موومينٽ جي قائد جناب الطاف حسين جي خصوصي هدايت تي سڄي شهر ۾ وڻ پوکڻ جي مهم جي سلسلي ۾ اسيمبلين جي حق پرست ميمبرن مزمل قريشي ۽ فيصل سبز واري ابوالحسن اصفهاني روڊ جي علائقي ۾ صفائي مهم ۾ حصو ورتو ۽ وڻ پوکڻ جي مهم جو آغاز ڪيو. ان موقعي تي ميڊيا سان ڳالھ ٻولھ ڪندي فيصل سبز واري چيو ته اسيمبلين جا حق پرست ميمبر ضلعي انتظاميه سان گڏجي ڪري شهر ۾ مڪاني ادارن جي غير موجودگي جي ڪمي کي پورو ڪري رهيا آهن. انهن چيو ته ايم ڪيو ايم عوام جا بنيادي مسئلا حل ڪرڻ چاهي ٿي ۽ اسان جي ڪوشش آهي ته اسان عوام جي بنيادي مسئلن کي حڪومتي سطح تي اٿاري عوام کي رليف فراهم ڪرايون. مزمل قريشي چيو ته اسڪيم 33 جو علائقو حڪومتي توجه جو منتظر آهي پر حق پرست عوامي نمائندا علائقي جي عوام سان گڏجي ڪري عوام جا مسئلا حل ڪندا ۽ علائقي کي سرسبز بڻائيندا. ان موقعي تي ڊپٽي ڪمشنر، ميونسپل ڪمشنر ۽ ٻيا به انهن سان گڏ هئا.