ايم ڪيو ايم جي قائد جناب الطاف حسين جي طرفان وزير اعظم ميان نواز شريف جي جرتمنداڻه فيصلي جو خير مقدم.
وزير اعظم رضا رباني جي حمايت جو اعلان ڪري ملڪ جي جمهوري روايتن ۾ هڪ وڏو انقلابي فيصلو ڪيو آهي. قائد تحريڪ جناب الطاف حسين.
لنڊن؛ 10 مارچ 2015
متحده قومي موومينٽ جي قائد جناب الطاف حسين پنهنجي هڪ بيان ۾ وزير اعظم ميان نواز شريف جي طرفان سينيٽ جي چيئرمين جي لاءِ نامزد اميدوار رضا رباني جي حمايت جي فيصلي کي خوش آئند، حڪمت وارو ۽ جرتمنداڻه فيصلو قرار ڏيندي ان فيصلي جو زبردست خير مقدم ڪيو آهي. جناب الطاف حسين فرمايو ته وزير اعظم چيئرمين سينيٽ جي عهدي جي لاءِ اپوزيشن جي نامزد اميدوار رضا رباني جي غيرمشروط طور تي حمايت جو اعلان ڪري سياسي پختگي ۽ ملڪ جي جمهوري روايتن ۾ هڪ وڏو انقلابي فيصلو ڪيو آهي. انهن جي جرتمنداڻه فيصلي سان نه صرف ملڪ ۾ جمهوريت مستحڪم ۽ پائيدار ٿيندي بلڪه حڪومت ۽ اپوزيشن جي وچ ۾ ڇڪٿاڻ جي بجاءِ افهام و تفهيم ۽ هڪ ٻئي جي لاءِ فراخدلي جو ڪلچر به جنم وٺندو. انهن فرمايو ته جهڙي طرح وزير اعظم ميان نواز شريف چيئرمين سينيٽ جي لاءِ اپوزيشن جي نامزد ڪيل اميدوار رضا رباني جي حمايت ڪري فراخدلي ۽ خير سگالي جو مظاهرو ڪيو آهي اهو عمل ملڪ ۾ جمهوريت، ڀائي چاري ۽ پاڪستان جي ترقي جي لاءِ مددگار ثابت ٿيندو. جناب الطاف حسين جرتمنداڻه فيصلي تي وزير اعظم ميان نواز شريف جو شڪريو ادا ڪندي ميان نواز شريف، انهن جي گهر وارن، دوستن ۽ مٽن مائٽن ۽ مسلم ليگ ن جي سمورن رهنمائن ۽ ڪارڪنن کي مبارڪباد ۽ خراج تحسين به پيش ڪيو.