ايم ڪيو ايم جي قائد جناب الطاف حسين جي سابق صدر آصف علي زرداري سان ٽيليفون تي ڳالھ ٻولھ.

لنڊن؛ 10 مارچ 2015 

           متحده قومي موومينٽ جي قائد جناب الطاف حسين سابق صدر آصف علي زرداري سان ٽيليفون تي رابطو ڪيو ۽ چيئرمين سينيٽ جي لاءِ اپوزيشن جماعتن جي اميدوار رضا رباني جي يقيني ڪاميابي تي دلي مبارڪباد پيش ڪئي. جناب الطاف حسين آصف علي زرداري سان ڳالھ ٻولھ ڪندي وزير اعظم ميان نواز شريف جي طرفان اپوزيشن جي گڏيل اميدوار رضا رباني جي حمايت جي اعلان کي به خوش آئند قرار ڏنو ۽ چيو ته سينيٽر رضا رباني جي يقيني ڪاميابي تي مان پنهنجي، ايم ڪيو ايم جي رابطا ڪميٽي ۽ هڪ هڪ ڪارڪن جي طرفان اوهان کي، اوهان جي دوستن، رضا رباني، پي پي جي تمام رهنمائن ۽ ڪارڪنن کي دل جي گهرائين سان مبارڪباد پيش ڪريان ٿو. جناب الطاف حسين فرمايو ته وقت جو تقاضا آهي ته سياسي ۽ مذهبي جماعتون سياسي اختلافن کي هڪ پاسي رکي ڪري ملڪ جي ترقي و خوشحالي ۽ عوام جي ڀلائي جي لاءِ ڀرپور ڪردار ادا ڪن. جناب آصف علي زرداري جناب الطاف حسين سان ڳالھ ٻولھ ڪندي چيو ته سمورين جماعتن جي گڏيل تعاون ۽ اوهان جي شفقت ۽ دعائن جي بدولت الله تعالٰي اسان کي سرخرو ڪيو. اها ايم ڪيو ايم سميت سمورين اپوزيشن جماعتن ۽ سڄي ملڪ جي عوام جي ڪاميابي آهي جنهن تي اسان الله تعالٰي جو شڪر ادا ڪريون ٿا. آصف علي زرداري چيو ته ايم ڪيو ايم ۽ پي پي گڏجي ڪري ملڪ جي ترقي ۽ عوام جي ڀلائي جي لاءِ ڪم ڪنديون رهنديون.