سينيٽ جي اليڪشن ۾ ايم ڪيو ايم ۽ پيپلز پارٽي جي اميدوارن جي ڪاميابي تي جناب الطاف حسين جي طرفان مبارڪباد پيش.
نوان چونڊيل سينيٽر ايوان بالا ۾ پاڪستان جي ترقي و خوشحالي، جمهوريت جي فروغ ۽ قوم کي پيش آيل مسئلن جي حل جي لاءِ پنهنجو ڀرپور ڪردار ادا ڪندا. قائد تحريڪ جناب الطاف حسين.
لنڊن؛ 5 مارچ 2015
متحده قومي موومينٽ جي قائد جناب الطاف حسين سنڌ ۾ سينيٽ جي اليڪشن ۾ ايم ڪيو ايم ۽ پيپلز پارٽي جي اميدوارن جي ڪاميابي تي پيپلز پارٽي جي ڪو چيئرمين آصف علي زرداري ، پي پي جي رهنمائن ۽ ٻنهي جماعتن جي نون چونڊيل سينيٽرن کي دلي مبارڪباد پيش ڪئي آهي. پنهنجي هڪ بيان ۾ جناب الطاف حسين فرمايو ته سينيٽ جي اليڪشن ۾ ايم ڪيو ايم ۽ پي پي جي طرفان جهڙي طرح يڪجهتي جو مظاهرو ڪيو ويو اهو صوبي سنڌ جي ترقي ۽ خوشحالي ۽ صوبي جي عوام جي ڀلائي جي لاءِ اهم سنگ ميل ثابت ٿيندو. انشاء الله تعالٰي پي پي ۽ ايم ڪيو ايم جي وچ ۾ ورڪنگ رليشن شپ فروغ پائيندي ۽ سنڌ جي عوام جا بنيادي مسئلا بغير ڪنهن فرق جي حڪ ڪرڻ ۾ مدد ملندي. جناب الطاف حسين اميد ظاهر ڪئي ته پي پي ۽ ايم ڪيو ايم جا نوان چونڊيل سينيٽر ايوان بالا ۾ پاڪستان جي ترقي ۽ خوشحالي، جمهوريت جي فروغ ۽ قوم کي پيش آيل مسئلن جي حل جي لاءِ پنهنجو ڀرپور ڪردار ادا ڪندا.