ايم ڪيو ايم ليگل ايڊ ڪميٽي جي سينيئر ميمبر سيد علي حسنين شاھ بخاري کي وادي حسين قبرستان ۾ مٽي ماءُ حوالي ڪيو ويو.
ڪراچي؛ 4 مارچ 2015
ايم ڪيو ايم جي ليگل ايڊ ڪميٽي ۽ متحده لائرز فورم جي سينيئر ميمبر سيد علي حسنين شاھ بخاري کي هزارين آلين اکين سان گڏ وادي حسين قبرستان ۾ مٽي ماءُ حوالي ڪيو ويو. ان کان اڳ شهيد جي جنازي نماز مسجد خير العمل انچولي ۾ ادا ڪئي وئي. جنازي نماز ۽ تدفين ۾ ايم ڪيو ايم رابطا ڪميٽي جي ميمبرن عارف خان ايڊووڪيٽ ۽ گلفراز خان خٽڪ ۽ حق پرست ميمبرن کان علاوه وڪيلن، ڪارڪنن ۽ شهيد جي مٽن مائٽن وڏي تعداد ۾ شرڪت ڪئي. ان موقعي تي رابطا ڪميٽي جي ميمبرن ۽ ليگل ايڊ ڪميٽي جي ميمبرن شهيد جي پونئرن سان ملاقات ڪري انهن کي جناب الطاف حسين جي طرفان دلي تعزيت ۽ همدردي جو پيغام به پهچايو ۽ پونئرن جي لاءِ صبر جميل جي دعا به ڪئي.