پاڪستان اسٽيل مل جي ملازمن کي گذريل ڪيترن ئي مهينن کان پگهارون نه ملڻ تي ايم ڪيو ايم جي رابطا ڪميٽي جي طرفان ڳڻتي جو اظهار.
ڪراچي؛ پهرين مارچ 2015
متحده قومي موومينٽ جي رابطا ڪميٽي پاڪستان اسٽيل مل جي ملازمن کي گذريل ڪيترن ئي مهينن کان پگهارون نه ملڻ تي وڏي ڳڻتي جو اظهار ڪيو آهي. پنهنجي هڪ بيان ۾ رابطا ڪميٽي چيو ته اسٽيل مل ۾ اعلٰي عهدن تي فائز ماڻهن پنهنجين ناقص پاليسين ۽ ذاتي مفادن کي پورو ڪرڻ جي لاءِ اسٽيل مل جهڙي اهم اداري کي تباھ ڪري ڇڏيو آهي. انهن چيو ته اسٽيل مل جا ملازم وڏي محنت ۽ ايمانداري سان پنهنجي ڊيوٽي ادا ڪري رهيا آهن پر ڊيوٽي جي بدلي ۾ انهن کي پگهارون وقت تي نه ملي رهيون آهن. رابطا ڪميٽي چيو ته اسٽيل مل سميت ٻيا ڪيترائي ادارا اهڙي صورتحال کي منهن ڏيئي رهيا آهن. رابطا ڪميٽي وزير اعظم ميان نواز شريف کان مطالبو ڪيو ته اهي اسٽيل مل جي ملازمن کي پگهارون ڏيڻ جو حڪم صادر فرمائين.a