مذهب جي نالي تي دهشت گردي جي سرپرستي ۽ حمايت ڪرڻ وارين جماعتن جو گهيراءُ تمام ضروري آهي. ايم ڪيو ايم رابطا ڪميٽي ميمبر قاسم علي رضا.
القائده، طالبان ۽ داعش جي دهشت گردن جي سرپرستي ۽ حمايت ڪرڻ وارين جماعتن جو گهيراءُ ڪيو وڃي.وزير اعظم کان مطالبو.
لنڊن؛ 16 فيبروري 2015
متحده قومي موومينٽ جي رابطا ڪميٽي جي ميمبر قاسم علي رضا چيو آهي ته ملڪ کان مذهبي نفرت ۽ فرقي وارانه دهشت گردي جي خاتمي جي لاءِ القائده، طالبان ۽ داعش جي سرپرستي ۽ حمايت ڪرڻ وارين جماعتن جو گهيراءُ اڻ ٽر ٿي چڪو آهي. پنهنجي هڪ بيان ۾ قاسم علي رضا چيو ته اها حقيقت پوري دنيا جي سامهون ظاهر آهي ته القائده ۽ طالبان جا نامي گرامي دهشت گرد ڪهڙي مذهبي جماعت جي رهنمائن جي گهرن کان گرفتار ڪيا ويا. اهي دهشت گرد نه صرف عالمي سطح تي دهشت گردي ۾ ملوث آهن پر پاڪستان ۾ سول ۽ ملٽري تنصيبات، سريلنڪا جي ٽيم ۽ ٻين اهم هنڌن تي حملن ۾ ملوث آهن پر اڄ تائين انهن وحشي دهشت گردن کي پناھ ڏيڻ ۽ انهن جي سرپرستي ڪرڻ وارين جماعت جي خلاف ڪنهن به قسم جي ڪاروائي نه ڪئي وئي آهي. انهن وزير اعظم ميان نواز شريف کان مطالبو ڪيو ته القائده ، طالبان ۽ داعش جي دهشت گردن جي سرپرستي ۽ حمايت ڪرڻ وارين جماعتن جو گهيراءُ ڪيو وڃي ۽ سڄي ملڪ ۾ قتل و غارتگري ۽ دهشت گردي ۾ ملوث ماڻهن جي حمايت ڪرڻ وارن جي خلاف سخت ترين ڪاروائي ڪئي وڃي.