پشاور حيات آباد ۾ بم ڌماڪن تي ايم ڪيو ايم جي قائد جناب الطاف حسين جي طرفان مذمت جو اظهار.

لنڊن؛ 13 فيبروري 2015 

           متحده قومي موومينٽ جي قائد جناب الطاف حسين خيبرپختونخواھ جي شهر پشاور حيات آباد جي اماميه مسجد جي ٻاهران بم ڌماڪن جي سخت ترين لفظن ۾ مذمت ڪئي آهي ۽ ڌماڪن جي نتيجي ۾ 19 ماڻهن جي هلاڪ ۽ 50 کان وڌيڪ ماڻهن جي زخمي ٿيڻ تي وڏي ڏک ۽ افسوس جو اظهار ڪيو آهي.پنهنجي هڪ بيان ۾ جناب الطاف حسين فرمايو ته دين اسلام ۾ هڪ بي گناھ جي قتل کي پوري انسانيت جو قتل قرار ڏنو ويو آهي.مسجد الله سائين جو گهر آهي ۽ جيڪي وحشي صفت عناصر الله تعالٰي جي گهر کي رت ۾ وينجهارين، انهن کي ڌماڪن سان اڏائين ۽ الله سائين کي سجدو ڪندڙ شهرين جي رت سان هولي کيڏن اهي مسلمان ته ٺهيو انسان چورائڻ جي به لائق نه آهن. اهڙا وحشي دين اسلام ۽ انسانيت جا کليل دشمن آهن. انهن وفاقي ۽ صوبائي حڪومتن کان مطالبو ڪيو ته بي گناھ شهرين جي جان و مال سان کيڏڻ وارن دهشت گردن جي خلاف سخت ترين ڪاروائي ڪئي وڃي ۽ شهرين جي جان و مال جي تحفظ جي لاءِ ٺوس ۽ عملي قدم کنيا وڃن. جناب الطاف حسين بم ڌماڪن ۾ هلاڪ ٿيندڙ ماڻهن جي سوگوار پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ زخمين جي جلد و مڪمل صحت يابي جي لاءِ دعا به ڪئي.