جيڪب آباد ۾ خوشحال خان خٽڪ ايڪسپريس ۾ بم ڌماڪي تي ايم ڪيو ايم رابطا ڪميٽي جي طرفان مذمت جو اظهار.
ڪراچي؛ 12 فيبروري 2015
متحده قومي موومينٽ جي رابطا ڪميٽي جيڪب آباد جي ويجهو خوشحال خان خٽڪ ايڪسپريس ۾ بم ڌماڪي جي سخت ترين لفظن ۾ مذمت ڪئي آهي ۽ ڌماڪي جي نتيجي ۾ ڪيترن ئي مسافرن جي زخمي ٿيڻ تي وڏي ڏک ۽ افسوس جو اظهار ڪيو آهي.پنهنجي هڪ بيان ۾ رابطا ڪميٽي چيو ته ريل ۾ بم ڌماڪو ڪرڻ وارا دهشت گرد ملڪ و قوم جا کليل دشمن آهن. رابطا ڪميٽي وڌيڪ چيو ته دهشت گردي جي خلاف جنگ کٽڻ جي لاءِ دهشت گردن سميت انهن جي سرپرستن ۽ مددگارن کي به عبرتناڪ انجام تائين پهچائڻ ناگزير ٿي چڪو آهي، رابطا ڪميٽي بم ڌماڪي ۾ زخمي ٿيندڙ ماڻهن سان دلي همدردي جو اظهار ڪندي دعا ڪئي ته الله تعالٰي زخمين کي جلد و مڪمل صحتيابي عطا فرمائي.آمين. ان کان علاوه رابطا ڪميٽي وزير اعظم ميان نواز شريف، وزير داخلا چوڌري نثار علي خان، گورنر سنڌ ۽ وزير اعلٰي سنڌ کان مطالبو ڪيو ته اهي ان بم ڌماڪي جو سختي سان نوٽس وٺن ۽ ملڪ و قوم کي دهشت گردي جي عذاب کان نجات ڏيارين.