ايم ڪيو ايم رابطا ڪميٽي جي طرفان گلشن اقبال ۾ بحريه يونيورسٽي جي بس ۾ ڏوهارين جي طرفان لٽ مار ڪرڻ جي سخت ترين لفظن ۾ مذمت.
ڪراچي؛ 12 فيبروري2015
متحده قومي موومينٽ جي رابطا ڪميٽي ڪراچي جي علائقي گلشن اقبال ۾ ڏوهاري ماڻهن جي طرفان بحريه يونيورسٽي جي بس ۾ لٽ مار ڪرڻ جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته ان کان اڳ به ڪيترن ئي موقعن تي شهر جي مختلف علائقن ۾ ڏوهاري ماڻهو يونيورسٽين ۽ ڪاليجن جي بسن مان لٽ مار ڪندا رهيا آهن پر پوليس اهڙن واقعن جي روڪٿام ڪرڻ ۾ بلڪل ناڪام ٿي وئي آهي. رابطا ڪميٽي چيو ته شاگرد ڪنهن به ملڪ جي روشن مستقبل جا ضامن هوندا آهن ان جي ڪري انهن کان لٽ مار ڪرڻ وارا ڏوهاري ڪنهن به رعايت جا مستحق نه آهن.رابطا ڪميٽي گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته اهي ان واقعي ۾ ملوث ڏوهارين کي گرفتار ڪرائي سخت ترين سزا ڏيارين ۽ شاگردن کان ڇنيل سامان به واپس ڪرائين.