برطانيه ۾ مقيم پاڪستانين کي پاڪستان جي ويزن ۽ شناختي ڪارڊن جي حصول ۾ رڪاوٽن کي ختم ڪيو وڃي. قائد تحريڪ جناب الطاف حسين.
ويزن کي جاري ڪرڻ جي سلسلي ۾ جيري سروس جو سلسلو ختم ڪري هائي ڪميشن ۽ قائونصليٽن مان سڌي ريت ويزا جاري ڪيا وڃن ۽ ويزن ۽ شناختي ڪارڊ جاري ڪرڻ جي سلسلي ۾ تاخيري حربا ختم ڪيا وڃن.
ايم ڪيو ايم انٽرنيشنل سيڪريٽريٽ ۾ برطانيه ۾ آباد ڪشميري برادري سان تعلق رکندڙ وفد سان ڳالھ ٻولھ.
لنڊن؛ 11 فيبروري 2015
متحده قومي موومينٽ جي قائد جناب الطاف حسين پاڪستان جي حڪومت کان مطالبو ڪيو آهي ته برطانيه ۾ مقيم پاڪستانين کي پاڪستان جي ويزن ۽ شناختي ڪارڊن جي حصول ۾ رڪاوٽن کي ختم ڪيو وڃي. اها ڳالھ انهن ايم ڪيو ايم انٽرنيشنل سيڪريٽريٽ ۾ برطانيه ۾ آباد ڪشميري برادري سان تعلق رکندڙ وفد سان ڳالھ ٻولھ ڪندي ڪئي. وفد جي قيادت شيفيلڊ جي ڪشميري برادري جو رهنما منشاخان ڪري رهيو هو.وفد جناب الطاف حسين کي ٻڌايو ته برطانيه جي مختلف شهرن ۾ رهندڙ پاڪستانين ۽ ڪشميري برادري سان تعلق رکندڙ ماڻهن کي پاڪستان جا ويزا پهرين هائي ڪميشن ۽ پاڪستاني قائونسليٽ کان سنوان سڌا جاري ڪيا ويندا هئا، پر ڪجھ وقت کان برطانيه ۾ رهندڙ پاڪستانين کي ويزن جي حصول جي لاءِ جيري سروس سان رابطو ڪرڻو پوي ٿو. ان سروس جي ڪري ويزن جي حصول ۾ نه صرف ڪيترن ئي مهينن جي غير ضروري دير ۽ رڪاوٽن کي منهن ڏيڻو پوي ٿو پر ويزي جي في ۾ به اضافو ڪيو ويو آهي، جناب الطاف حسين برطانيه ۾ رهندڙ پاڪستانين ۽ ڪشميري برادري کي ويزن ۽ شناختي ڪارڊن جي حصول ۾ پيش ايندڙ تڪليفن ۽ رڪاوٽن تي وڏي افسوس جو اظهار ڪندي پاڪستان جي حڪومت کان مطالبو ڪيو آهي ته ويزن جي اجراء جي سلسلي ۾ جيري سروس جو سلسلو ختم ڪري هائي ڪميشن ۽ قائونسليٽ کان سنوان سڌا ويزا جاري ڪيا وڃن ۽ ويزن ۽ شناختي ڪارڊن جي جاري ڪرڻ ۾ تاخيري حربا ختم ڪيا وڃن.