سانحه بلديه ٽائون ۾ ملوث وحشي صفت شخص رضوان قريشي جو ايم ڪيو ايم سان ڪوئي به تعلق نه آهي. ايم ڪيو ايم رابطا ڪميٽي.
ايم ڪيو ايم ۾ دهشت گردن، ڀتا خورن ۽ ڏوهاري ماڻهن جي لاءِ“ زيرو ٽو ليرنس” آهي. رابطا ڪميٽي.
ڪراچي؛ 7 فيبروري 2015
متحده قومي موومينٽ جي رابطا ڪميٽي چيو آهي ته سانحه بلديه ٽائون ۾ ملوث وحشي صفت شخص جو ايم ڪيو ايم سان ڪوئي به تعلق نه آهي.پنهنجي هڪ بيان ۾ رابطا ڪميٽي ان ڳالھ جي سختي سان ترديد ڪندي چيو ته رضوان قريشي نالي شخص جنهن جي باري ۾ميڊيا ۾ اهي اطلاعون اچي رهيون آهن ته مذڪوره شخص بلديه ٽائون جي فيڪٽري ۾ باھ لڳائڻ ۾ ملوث آهي. پر ان شخص جو ايم ڪيو ايم سان پري پري تائين ڪوئي به تعلق نه آهي. رابطا ڪميٽي چيو ته پهرين ڳالھ ته اها آهي ته ايم ڪيو ايم جي ڪارڪنن جي تعداد لکن ۾ آهي. ان جي صفن ۾ ڪوئي به داخل ٿي ڪري پنهنجي پاڻ کي ڪارڪن ظاهر ڪري سگهي ٿو پر ٻئي طرف ايم ڪيو ايم ۾ دهشت گردن، ڀتا خورن ۽ ڏوهاري ماڻهن جي لاءِ “زيرو ٽوليرنس” آهي. رابطا ڪميٽي ميڊيا جي نمائندن کي اپيل ڪئي ته اهي ايم ڪيو ايم جي ان واضع ترديد کان پوءِ اهڙي ظالم، وحشي ۽ ڏوهاري ماڻهو کي ايم ڪيو ايم جو ڪارڪن نه لکن. رابطا ڪميٽي حڪومت کان مطالبو ڪيو ته سانحه بلديه ٽائون ۾ ملوث وحشي شخص کي آئين ۽ قانون جي مطابق بلديه ٽائون جي چوڪ تي ڦاهي چاڙهيو وڃي.