اورنگي ٽائون ۾ مهاجر چوڪ تي دهشت گردن جي فائرنگ سان ايم ڪيو ايم اورنگي ٽائون سيڪٽر يونٽ 118 بي جي ڪارڪن محمد عابد شهيد جي وحشياڻي قتل تي ايم ڪيو ايم رابطا ڪميٽي جي طرفان مذمت جو اظهار.
ڪراچي؛ 22 جنوري 2015
متحده قومي موومينٽ جي رابطا ڪميٽي اورنگي ٽائون مهاجر چوڪ تي دهشت گردن جي فائرنگ سان ايم ڪيو ايم اورنگي ٽائون سيڪٽر يونٽ 118 بي جي ڪارڪن محمد عابد شهيد جي وحشياڻي قتل جي سخت ترين لفظن ۾ مذمت ڪئي آهي ۽ چيو آهي ته ايم ڪيو ايم جي ڪارڪنن کي دهشت گردن ۽ قانون ٽوڙيندڙ پوليس آفيسرن ۽ اهلڪارن جي رحم و ڪرم تي ڇڏي ڏنو ويو آهي. پنهنجي هڪ بيان ۾ رابطا ڪميٽي چيو ته هن مهيني ۾ ئي شهيد ٿيندڙ ڪارڪنن جي تعداد 13 ٿي وئي آهي پر سنڌ حڪومت شهر ۾ بدامني، قتل و غارتگري، ڀتا خوري ۽ دهشت گردن جون سرگرميون روڪڻ جي بجاءِ ابتڙ انهن جو تحفظ ڪري رهي آهي.جنهن جي جيتري به مذمت ڪئي وڃي اها گهٽ آهي. رابطا ڪميٽي چيو ته محمد عابد جي شهادت ان ڳالھ جو ثبوت آهي سنڌ ۾ مارشل لا جو مطالبو جائز آهي. ڇو ته سنڌ حڪومت شهرين کي تحفظ ڏيڻ ۾ ناڪام ٿي چڪي آهي.رابطا ڪميٽي محمد عابد شهيد جي تمام سوگوار پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي شهيد کي جنت الفردوس ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين. رابطا ڪميٽي وزير اعظم ميان نواز شريف ۽ وفاقي وزير داخلا چوڌري نثار علي خان کان مطالبو ڪيو ته محمد عابد شهيد جي قتل ۾ ملوث دهشت گردن کي فوري طور تي گرفتار ڪيو وڃي ۽ ڪراچي سميت سڄي سنڌ ۾ عوام کي سنڌ حڪومت جي بدترين جمهوريت کان نجات ڏياري وڃي.