پي پي جي حڪومت ڪراچي شهر جي مڪاني ادارن جو حليو بگاڙي ڇڏيو آهي. عارف خان ايڊووڪيٽ ۽ گلفراز خان خٽڪ.
متحده لائرز فورم جي زير اهتمام لائرز ڊائري جي تقريب رونمائي کي خطاب.
ڪراچي؛ 23 جنوري 2015
متحده قومي موومينٽ جي رابطا ڪميٽي جي ميمبرن عارف خان ايڊووڪيٽ ۽ گلفراز خان خٽڪ چيو آهي ته شهر قائد کي مڪاني ادارن جي سخت ضرورت آهي پر موجوده حڪران نه ٿا چاهين ته مڪاني اليڪشن ٿين،انهن خيالن جو اظهار انهن متحده لائرز فورم جي زير اهتمام نو بهار هوٽل صدر ۾ نئين سال جي سلسلي ۾ لائرز فورم ڊائري جي تقريب رونمائي کي خطاب ڪندي ڪيو.تقريب جي صدارت شهيد ذوالفقار علي ڀٽو يونيورسٽي جي وائيس چانسلر ۽ سابق جسٽس رٽائرڊ سنڌ هائي ڪورٽ قاضي خالد ايڊووڪيٽ ڪئي.ان موقعي تي ڪراچي بار ڪائونسل جو صدر نعيم قريشي ۽ ٻيا به موجود هئا.تقريب کي خطاب ڪندي رابطا ڪميٽي چيو ته اسان کي وڪيلن جي مسئلن جو علم آهي جن کي حل ڪرڻ جي لاءِ اسان کي جناب الطاف حسين جي خصوصي هدايت آهي. انهن چيو ته سٽي ڪورٽ اسان جو پرائمري ادارو آهي اسان ڪنهن به مقام تي پهچي وڃون پر پنهنجي پرائمري اداري کي وساري نه ٿا سگهون.انهن چيو ته وڪيلن جي ٽارگيٽ ڪلنگ جي حوالي سان روزانو شڪايتون ملي رهيون آهن پر اسان ٻڌائڻ چاهيون ٿا ته ايم ڪيو ايم جي ڪارڪنن کي به لڳاتار شهيد ڪيو پيو وڃي ۽ ماروائي عدالت قتل به ڪيو پيو وڃي پر ڪوئي به ٻڌڻ وارو نه آهي.انهن چيو ته اڄ اسان جي رياست خطري ۾ آهي جيڪڏهن رياست ئي نه رهي ته پوءِ ڪهڙي عدالت ۽ ڪهڙو قانون پهرين اسان کي رياست کي بچائڻو آهي ۽ پوءِ قانون جي عملداري کي يقيني بڻائڻو آهي.تقريب کي قاضي خالد ايڊووڪيٽ به خطاب ڪيو.