جماعت اسلامي جي اهم رهنمائن القائده ۽ طالبان دهشت گردن کي پنهنجن گهرن ۾ پناھ ڏني.ايم ڪيو ايم رابطا ڪميٽي.
طالبان دهشت گردن جي طرفان جماعت اسلامي جي رهنما پروفيسر ابراهيم جو نالو مذاڪراتي ٽيم ۾ ڏنو هو هو.جماعت اسلامي جي امير جي بيان تي رابطا ڪميٽي جو تبصرو.
ڪراچي؛ 25 جنوري 2015
متحده قومي موومينٽ جي رابطا ڪميٽي چيو آهي ته پاڻ کي اسلام جو ٺيڪيدار سمجهڻ واري جماعت اسلامي جواب ڏيئي ته ڪراچي ۽ ملڪ ۾ پرتشدد مظاهرا ڪرڻ ۽ ملڪيتن کي نقصان پهچائڻ ڪهڙي شريعت آهي؟ رابطا ڪميٽي جماعت اسلامي جي امير سراج الحق جي بيان تي تبصرو ڪندي چيو ته فرانس جو سفارتخانو اسلام آباد ۾ آهي، جڏهن مختلف شهرن ۾ ان جا قونصل خانا آهن پر جماعت اسلامي اتي احتجاج نه ڪيو بلڪه صرف ڪراچي ۾ پرتشدد مظاهرا ڪيا.رابطا ڪميٽي چيو ته جماعت اسلامي اسلام جو نالو وٺي ڪري هزارين پاڪستانين کي افغان جهاد جي نالي تي قتل ڪرايو ۽ پوري دنيا ڄاڻي ٿي ته ان جي اهم رهنمائن ۽ ڪارڪنن نه صرف القائده ۽ طالبان دهشت گردن کي پنهنجن گهرن ۾ پناھ ڏني پر ڊرون حملن ۾ جماعت اسلامي جي ٿنڊر اسڪواڊ جا ڪيترائي دهشت گرد به ماريا ويا آهن.جڏهن ته ڊرون حملن ۾ مرندڙ ڪيترن ئي جماعت اسلامي جي ڪارڪنن جي غائبانه جنازي نماز به پڙهائي وئي آهيرابطا ڪميٽي چيو ته جماعت اسلامي جي قتال في سبيل الله جي تعليمات جي ڪري مهران ايئر بيس حملو، جي ايڇ ڪيو، سريلنڪن ٽيم تي حملو ايئر پورٽ تي حملو ۽ سانحه پشاور کان علاوه ڪيترائي واقعا ٿيا.رابطا ڪميٽي ان کان علاوه جماعت اسلامي قائد اعظم کي قائد اعظم قرار ڏيئي چڪي آهي. رابطا ڪميٽي چيو انهن ڳالهين ورجائڻ جو مقصد جماعت اسلامي جو اصل چهرو عوام جي سامهون آڻڻ آهي.