جماعت اسلامي مختلف هٿڪنڊن ۽ بيانن سان قوم جي توجه آپريشن ضرب عضب کان هٽائڻ چاهي ٿي. ايم ڪيو ايم رابطا ڪميٽي.
ايم ڪيو ايم هميشه قوم کي جماعت اسلامي جي منافقت واري سياست ۽ ملڪ دشمني کان آگاھ ڪيو آهي.رابطا ڪميٽي.
ڪراچي؛ 26 جنوري 2015
متحده قومي موومينٽ جي رابطا ڪميٽي چيو آهي ته جماعت اسلامي هڪ ڀيرو ٻيهر ڪراچي جي شهرين کي مختلف هٿڪنڊن ۽ بيانن جي ذريعي وڇڙائڻ جي ڪوشش ڪري رهي آهي ۽ قوم جي توجه طالبان دهشت گردن جي خلاف جاري آپريشن ضرب عضب کان هٽائڻ چاهي ٿي. پنهنجي هڪ بيان ۾ رابطا ڪميٽي چيو ته جماعت اسلامي جا پاڪستان دشمني تي ٻڌل بيان پوري قوم جي سامهون آهن ۽ سڀ ڄاڻين ٿا ته 80 واري ڏهاڪي ۾ ڪهڙي طرح جماعت اسلامي پاڪستان جي معصوم شهرين کي افغان جهاد جي باھ ۾ جهونڪي ڇڏيو هو ۽ ڪراچي سميت سڄي ملڪ جي گهٽين ۾ مجاهدن جي ڀرتي جي لاءِ ڪيمپ لڳائي ڪري نوجوانن کي ڀڙڪايو هو جنهن جا نتيجا اڄ تائين قوم ڀوڳي رهي آهي.رابطا ڪميٽي چيو ته جماعت اسلامي جي سرپرستي ۾ ڪراچي ۾ اڄ به اهڙيون مسجدون ۽ مدرسا آهن جن کي جماعت اسلامي دهشت گردي ۽ ماڻهن کي پاڻ ۾ ويڙهائڻ جي لاءِ استعمال ڪري رهي آهي.رابطا ڪميٽي چيو ته ايم ڪيو ايم هميشه قوم کي جماعت اسلامي جي منافقانه سياست ۽ ملڪ دشمني کان آگاھ ڪيو آهي ته جيئن قوم ان کان هوشيار رهي. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ آرمي چيف جنرل راحيل شريف کان مطالبو ڪيو ته اهي جماعت اسلامي سميت طالبان جي ٻين حمايتي سياسي و مذهبي جماعتن جي طرفان معصوم شهرين کي نام نهاد جهاد جي نالي تي دهشت گردي جي باھ ۾ جهونڪڻ جو نوٽس وٺن ۽ اهڙين جماعتن جي خلاف سخت ڪريڪ ڊائون ڪيو وڃي ڇو ته اهي ئي جماعتون القائده، طالبان ۽ داعش جي مدد به ڪري رهيون آهن.