سڄي ملڪ ۾ سڀني کان پهرين بلوچستان ۾ مڪاني اليڪشن ڪرائڻ تي بلوچستان جي وزير اعلٰي ڊاڪٽر عبدالمالڪ ۽ بلوچستان حڪومت جو سٺو قدم آهي. ايم ڪيو ايم رابطا ڪميٽي.

ڪراچي؛29 جنوري 2015 

             متحده قومي موومينٽ جي رابطا ڪميٽي سڄي ملڪ ۾ سڀني کان پهرين بلوچستان ۾ مڪاني اليڪشن ڪرائڻ تي بلوچستان جي وزير اعلٰي ڊاڪٽر عبدالمالڪ ۽ بلوچستان جي حڪومت جي ان قدم کي سٺو سنوڻ قرار ڏنو آهي. پنهنجي هڪ بيان ۾ رابطا ڪميٽي مڪاني اليڪشن ۾ پشتون خواھ ميپ جي ڊاڪٽر ڪليم الله کي ڪوئيٽا جو ميئر ۽ مسلم ليگ ن جي محمد يونس بلوچ کي ڊپٽي ميئر چونڊجڻ تي مبارڪباد ڏيندي چيو ته مڪاني ادارا ئي جمهوريت جي نرسري هوندا آهن جن سان جمهوريت مظبوط ٿئي ٿي. رابطا ڪميٽي چيو ته اها اميد پيدا ٿي چڪي آهي ته بلوچستان جي نقش قدم تي هلندي ٻيا صوبا به جلد کان جلد مڪاني اليڪشن ڪرائڻ جي ڪوشش ڪندا.