سانحه شڪارپور وڏو دردناڪ سانحو آهي جنهن جي جيتري به مذمت ڪئي وڃي اها گهٽ آهي.رابطا ڪميٽي ميمبر گلفراز خان خٽڪ.
طالبانائيزيشن ملڪ کي اڏهي وانگر چٽي رهي آهي.
آغا خان اسپتال ۾ سانحه شڪارپور جي زخمين جي عيادت جي موقعي تي ڳالھ ٻولھ.
ڪراچي؛ 31 جنوري 2015
متحده قومي موومينٽ جي قائد جناب الطاف حسين جي خصوصي هدايت تي ايم ڪيو ايم رابطا ڪميٽي جي ميمبر گلفراز خان خٽڪ ۽ ايم ڪيو ايم پنجاب جي صدر ميان عتيق آغا خان اسپتال جو هنگامي دورو ڪيو، جتي انهن شڪارپور بم ڌماڪي جي زخمين جي عيادت ڪئي. ان موقعي تي ميڊيا سان ڳالھ ٻولھ ڪندي گلفراز خان خٽڪ چيو ته سانحه شڪارپور هڪ دردناڪ سانحو آهي ۽ ان واقعي جي جيتري به مذمت ڪئي وڃي اها گهٽ آهي. انهن چيو ته قائد تحريڪ جناب الطاف حسين ڏھ سال اڳ ئي قوم کي طالبانائزيشن کان آگاھ ڪري ڇڏيو هو پر انهن جي ڳالھ جو مذاق اڏايو ويو ۽ جيڪڏهن ان وقت ئي طالبان جي خلاف ڪاروائي ڪئي وڃي ها ته اڄ سانحه شڪارپور رونما نه ٿئي ها.انهن چيو ته سانحه شڪارپور سنڌ حڪومت جي ڪارڪردگي تي هڪ سواليه نشان آهي ۽ ملڪ هن وقت حالت جنگ ۾ آهي ۽ اسان کي گڏجي ڪري پاڪ فوج جو ساٿ ڏيڻو پوندو ۽ دهشت گردن جي خلاف وڙهڻو پوندو.انهن وزير اعظم ميان نواز شريف ، آرمي چيف جنرل راحيل شريف، گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته سانحه شڪارپور جو فوري طور تي نوٽس ورتو وڃي ۽ دهشت گردن جي خلاف ڪاروائي ڪئي وڃي.