ڪي اليڪٽرڪ کي 650 ميگاواٽ بجلي جي فراهمي جي معاهدي ۾ توسيع نه ٿيڻ تي ايم ڪيو ايم جي رابطا ڪميٽي جي طرفان ڳڻتي جو اظهار.
ڪراچي؛ 3 فيبروري 2015
متحده قومي موومينٽ جي رابطا ڪميٽي وفاقي حڪومت جي طرفان ڪي اليڪٽرڪ کي 650 ميگاواٽ بجلي فراهم ڪرڻ جي معاهدي ۾ توسيع نه ڪرڻ جي اقدام تي وڏي ڳڻتي جو اظهار ڪيو آهي. پنهنجي هڪ بيان ۾ رابطا ڪميٽي چيو ته ڪراچي پاڪستان جو معاشي حب آهي جيڪو پوري ملڪ کي 75 سيڪڙو روينيو ڏيئي ٿو، ان جي ڪري هجڻ ته ائين گهرجي ها ته ڪي اليڪٽرڪ ڪراچي کي 1000 هزار ميگاواٽ بجلي فراهم ڪري ها پر 1000 ميگاواٽ ته ٺهيو 650 ميگاواٽ بجلي فراهم ڪندي به وفاقي حڪومت لنوائي رهي آهي جيڪا انتهائي افسوسناڪ ڳالھ آهي، رابطا ڪميٽي وفاقي حڪومت کان مطالبو ڪيو ته اها ملڪ جي معيشت ۾ ڪراچي جي ڪردار کي نظر ۾ رکندي هتان جي شهرين سان انصاف ڪري ۽ ڪي اليڪٽرڪ کي 650 ميگاواٽ بجلي فراهم ڪرڻ جو سلسلو ٻيهر شروع ڪرائي.