سابق صوبائي وزير صنعت رئوف صديقي جو قائد تحريڪ جناب الطاف حسين سان ٽيليفون تي رابطو.
رئوف صديقي جناب الطاف حسين سان تنظيمي معاملن ۽ سنڌ خصوصن ڪراچي جي صورتحال تي تفصيلي ڳالھ ٻولھ ڪئي.
ڪراچي؛ 2 فيبروري 2015
متحده قومي موومينٽ جي ميمبر سنڌ اسيمبلي ۽ سابق صوبائي وزير رئوف صديقي لنڊن فون ڪري قائد تحريڪ جناب الطاف حسين سان رابطو ڪيو ۽ قائد تحريڪ جناب الطاف حسين سان تنظيمي معاملن سميت ملڪ، سميت سنڌ ۽ ڪراچي جي تيزي سان بگڙندڙ صورتحال تي تفصيلي ڳالھ ٻولھ ڪئي. رئوف صديقي جناب الطاف حسين جي خيريت دريافت ڪئي ۽ انهن جي لاءِ دعا به ڪئي.رئوف صديقي سان ٿيندڙ ڳالھ ٻولھ ۾ جناب الطاف حسين واپارين ۽ صنعتڪارن جي لاءِ ڏنل ڪجھ ڏينهن اڳ متنازعه بيان تي وڏي ڪاوڙ جو اظهار ڪيو ۽ چيو ته ايس ايم منير، ميان زاهد، سراج قاسم تيلي ۽ ٻيا واپاري ۽ صنعتڪار انتهائي اهم موقعن تي مون کي قابل مشورا ڏيندا رهيا آهن، ان جي ڪري انهن جو احترام ڪيو وڃي. انهن فرمايو ته واپاري ۽ صنعتڪار پاڪستان جي ۽ خصوصن ڪراچي جي معيشت جي لاءِ ڪرنگهي جي هڏي جي حيثيت رکن ٿا ۽ اهو معاشري جو عزت دار طبقو آهي ان جي ڪري رابطا ڪميٽي بيان ڏيندي وقت احتياط سان ڪم وٺي ۽ جلد بازي ۾ اهڙو ڪوئي به بيان هرگز نه ڏي جنهن سان مون کي صدمو پهچي. ان کان پوءِ رئوف صديقي جناب الطاف حسين جو شڪريو ادا ڪيو ۽ انهن جي صحت و تندرستي ۽ وڏي عمر جي لاءِ دعائون به ڪيون.