متحده قومي موومينٽ جي رابطا ڪميٽي لنڊن ۽ پاڪستان جو گڏيل اجلاس منعقد.مصطفٰي عزيز آبادي کي متحده قومي موومينٽ جي رابطا ڪميٽي جو انچارج ۽ ڊاڪٽر خالد مقبول صديقي، ڊاڪٽر نصرت شوڪت ۽ عامر خان کي رابطا ڪميٽي جا جوائنٽ انچارجَ مقرر ڪيو ويو آهي.
قمر منصور ۽ ارشد حسين رابطا ڪميٽي جي ميمبرن جي حيثيت سان پنهنجا فرضَ انجام ڏيندا.قائد تحريڪ جناب الطاف حسين رابطا ڪميٽي جي فيصلي جي توثيق ڪري ڇڏي آهي.
ڪراچي؛ 2 فيبروري 2015
متحده قومي موومينٽ جي رابطا ڪميٽي پاڪستان ۽ لنڊن جو هڪ گڏيل اجلاس ٿيو جنهن ۾ تنظيم نو جي حوالي سان اهم فيصلا ڪيا ويا. انهن فيصلن جي مطابق رابطا ڪميٽي جي ميمبر مصطفٰي عزيز آبادي کي رابطا ڪميٽي جو انچارج مقرر ڪيو ويو آهي، جڏهن ته ڊاڪٽر خالد مقبول صديقي، ڊاڪٽر نصرت شوڪت ۽ عامر خان کي رابطا ڪميٽي جا جوائنٽ انچارجَ مقرر ڪيو ويو آهي. اجلاس ۾ ڪيل فيصلن جي مطابق قمر منصور ۽ ارشد حسين هاڻي رابطا ڪميٽي جي ميمبر جي حيثيت سان پنهنجا فرض انجام ڏيندا.اجلاس ۾ ڪيل هڪ فيصلي جي مطابق تحريڪ جي سينيئر ميمبرن ڪنور نويد جميل ۽ عبدالحسيب کي به رابطا ڪميٽي ۾ شامل ڪيو ويو آهي. ايم ڪيو ايم جي قائد جناب الطاف حسين رابطا ڪميٽي جي ان فيصلي جي توثيق ڪري ڇڏي آهي.