مسلم ليگ ن جي ميمبر قومي اسيمبلي ڊاڪٽر رميش ڪمار پاڪستان هندو ڪائونسل جي صدر چيلا رام سان گڏجي نائن زيرو تي خورشيد بيگم سيڪريٽريٽ ۾ پاڪستان رابطا ڪميٽي جي انچارج قمر منصور سان ملاقات ڪئي.
ايم ڪيو ايم واحد جماعت آهي جنهن جي قائد جناب الطاف حسين پنهنجي سياست جو آغاز ئي ڏکايل انسانيت جي خدمت کان ڪيو آهي.پاڪستان رابطا ڪميٽي انچارج قمر منصور.
ڪراچي؛ 2 جنوري 2015
پاڪستان مسلم ليگ ن جي ميمبر قومي اسيمبلي ڊاڪٽر رميش ڪمار پاڪستان هندو ڪائونسل جي صدر چيلا رام ۽ نائب صدر هوت چند سان گڏجي نائن زيرو تي خورشيد بيگم سيڪريٽريٽ ۾ پاڪستان رابطا ڪميٽي جي انچارج قمر منصور سان ملاقات ڪئي. ان موقعي تي حيدر عباس رضوي، غازي صلاح الدين ۽ عارف خان ايڊووڪيٽ به موجود هئا.ملاقات ۾ ملڪ خصوصن سنڌ ۽ ڪراچي جي صورتحال سميت ٻين دلچسپي جي معاملن تي خيالن جي ڏي وٽ ڪئي وئي.ان موقعي تي قمر منصور وفد کي ايم ڪيو ايم جي عملي جدوجهد ۽ ٻين فلاحي سرگرمين جي باري ۾ مڪمل ڄاڻ فراهم ڪئي ۽ ٻڌايو ته ايم ڪيو ايم واحد جماعت آهي جنهن جي قائد جناب الطاف حسين پنهنجي سياست جو آغاز ئي ڏکايل انسانيت جي خدمت کان ڪيو آهي. انهن چيو ته ايم ڪيو ايم جو فلاحي ادارو ڪي ڪي ايف قائد تحريڪ جناب الطاف حسين جي فڪر و فلسفي جي مطابق بغير ڪنهن فرق جي انسانيت جي خدمت ڪري رهيو آهي. ان موقعي تي وفد ايم ڪيو ايم جي فلاحي سرگرمين ۽ عملي جدوجهد کي به تمام گهڻو ساراهيو.