ايم ڪيو ايم جي رابطا ڪميٽي قانون نافذ ڪرڻ وارن ادارن جي طرفان ڪارڪن فرحان جي گهر تي چاپي جي دوران انهن جي امڙ سان بدتميزي ڪرڻ جي سخت ترين لفظن ۾ مذمت ڪئي.
واضع رهي ته ڪارڪن فرحان جي امڙ قانون نافذ ڪرڻ وارن ادارن جي طرفان بد تميزي ڪرڻ جي نتيجي ۾ دل جو دورو پوڻ سبب ٿڏي تي ئي فوت ٿي وئي.
ڪراچي ؛ 30 ڊسمبر 2014
متحده قومي موومينٽ جي رابطا ڪميٽي رات برنس روڊ جي علائقي ۾ ايم ڪيو ايم جي ڪارڪن فرحان ولد محمد حنيف جي گهر تي چاپو هڻڻ ۽ انهن جي والده سان بدتميزي ڪرڻ جي واقعي جي سخت ترين لفظن ۾ ڪئي آهي.پنهنجي هڪ مذمتي بيان ۾ رابطا ڪميٽي چيو ته گذريل رات قانون نافذ ڪرڻ وارن ادارن جي اهلڪارن برنس روڊ جي علائقي ۾ فرحان جي گهر انهن جي گرفتاري جي لاءِ چاپو هنيو هو پر فرحان ان وقت گهر ۾ موجود نه هئا ۽ قانون نافذ ڪرڻ وارن ادارن انهن جي ننڍي ڀاءُ کي زبردستي گرفتار ڪرڻ جي ڪوشش ڪئي جنهن جي دوران انهن جي پوڙهي امڙ انهن کي بچائڻ جي ڪوشش ڪئي جنهن تي قانون نافذ ڪرڻ وارن ادارن جي اهلڪارن انهن کي ڌڪا ڏنا ۽ انهن سان بدتميزي ڪئي جنهن جي ڪري اها دل جو دورو پوڻ جي سبب ٿڏي تي ئي فوت ٿي وئي. رابطا ڪميٽي ان واقعي کي انسانيت جي خلاف قرار ڏيندي وزير اعظم ميان نواز شريف، وفاقي وزير داخلا چوڌري نثار علي خان ۽ گورنر سنڌ ڊاڪٽر عشرت العباد کان مطالبو ڪيو ته اهي قانون نافذ ڪرڻ وارن ادارن جي رويي جو فوري طور تي نوٽس وٺن ۽ مذڪوره واقعي ۾ ملوث اهلڪارن کي فوري طور تي گرفتار ڪري سخت ترين ڪاروائي ڪئي وڃي. رابطا ڪميٽي فرحان سميت مرحومه جي تمام سوگوار پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي مرحومه کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين.