گورنر سنڌ ڊاڪٽر عشرت العباد کي 12 سال مڪمل ٿيڻ تي قائد تحريڪ جناب الطاف حسين جي طرفان مبارڪباد پيش.

لنڊن؛ 26 ڊسمبر 2014

           متحده قومي موومينٽ جي قائد جناب الطاف حسين گورنر سنڌ ڊاڪٽر عشرت العباد کي بطور گورنر سنڌ 12 سال مڪمل ٿيڻ تي دلي مبارڪباد پيش ڪئي آهي. پنهنجي هڪ بيان ۾ جناب الطاف حسين فرمايو ته ڊاڪٽر عشرت العباد پاڪستان جا پهريان، ايشيا جا ٻيا ۽ دنيا جا ٽيان گورنر  آهن جيڪي ڊگهي عرصي تائين گورنر جي عهدي تي فائز رهيا آهن. انهن مسلسل 12 سال گورنر جي عهدي تي رهندي سڀني کان وڌيڪ عوامي مسئلا ٻڌا ۽ انهن کي حل ڪرڻ جي هر ممڪن ڪوشش به ڪئي. جناب الطاف حسين فرمايو ته گورنر سنڌ صوبي ۾ ڀائي چاري جي فروغ ۽ ملڪ جي ترقي ۽ خوشحالي جي لاءِ محنت ۽ لگن سان ڪم ڪندي بهتر ڪارڪردگي جو مظاهرو ڪيو آهي، جنهن تي مان انهن کي دلي مبارڪباد پيش ڪريان ٿو. جناب الطاف حسين دعا ڪئي ته الله تعالٰي گورنر سنڌ ڊاڪٽر عشرت العباد کي صحت و تندرستي عطا فرمائي ۽ انهن کي اهڙي طرح ئي پنهنجا فرض ديانتداري سان ادا ڪرڻ جي توفيق عطا فرمائي.آمين.