جناح اسپتال جي ملازمن جا مطالبا منظور ڪيا وڃن ۽ انهن کي انهن جي الائونسن سميت سموريون رهتون ادا ڪيون وڃن.ايم ڪيو ايم رابطا ڪميٽي.
ڪراچي؛ 26 ڊسمبر 2014
متحده قومي موومينٽ جي رابطا ڪميٽي حڪومت کان مطالبو ڪيو آهي ته جناح اسپتال جي ملازمن جا مطالبا منظور ڪيا وڃن ۽ انهن کي انهن جي الائونسن سميت سموريون رهتون ادا ڪيون وڃن. پنهنجي هڪ بيان ۾ رابطا ڪميٽي چيو ته جناح اسپتال جنهن کي 18 هين ترميم جي ذريعي سنڌ حڪومت جي تحويل ۾ ڏنو ويو آهي پر سنڌ حڪومت ان جي ملازمن جي مسئلن تي ڪائي به توجه نه ڏيئي رهي آهي.جنهن جي ڪري ان جي ڪارڪردگي ڏينهون ڏينهن متاثر ٿي رهي آهي ۽ انهن کي الائونس ۽ ٻيون رهتون به ادا نه ڪيون پيون وڃن.جنهن جي ڪري جناح اسپتال جو پيراميڊيڪل اسٽاف ۽ ملازم روڊن تي احتجاج ڪرڻ تي مجبور آهن.رابطا ڪميٽي چيو ته جيڪڏهن سنڌ حڪومت جناح اسپتال کي سنڀالي نه ٿي سگهي ته اها اسپتال کي وفاقي حڪومت کي واپس ڪري ڇڏي. رابطا ڪميٽي حڪومت کان مطالبو ڪيو ته اها جناح اسپتال جي صورتحال تي فوري طور تي توجه ڏي ۽ ملازمن جا مطالبا منظور ڪري انهن کي سمورا الائونس ۽ ٻيون رهتون به ادا ڪيون وڃن.