ڪرسمس جي ڏڻ تي جناب الطاف حسين جي طرفان پاڪستان سميت سڄي دنيا ۾ مقيم مسيحي ڀائرن کي دلي مبارڪباد پيش.
مسيحي ڀائر ڪرسمس جي موقعي تي پنهنجين عبادتن ۾ سانحه پشاور جي شهيدن جي بلند درجات ۽ ملڪ کان دهشت گردي ۽ انتها پسندي جي خاتمي جي لاءِ خصوصي دعائون ڪن. قائد تحريڪ جناب الطاف حسين.
لنڊن ؛ 24 ڊسمبر 2014
متحده قومي موومينٽ جي قائد جناب الطاف حسين پاڪستان سميت سڄي دنيا ۾ مقيم مسيحي ڀائرن کي انهن جي مذهبي ڏڻ ڪرسمس جي دلي مبارڪباد پيش ڪئي آهي ۽ مسيحي عوام کي اپيل ڪئي آهي ته اهي ڪرسمس جي موقعي تي پنهنجين عبادتن ۾ سانحه پشاور جي شهيدن جي بلند درجات ۽ ملڪ کان دهشت گردي ۽ انتها پسندي جي خاتمي جي لاءِ خصوصي دعائون ڪيون. ڪرسمس جي موقعي تي پنهنجي هڪ خصوصي پيغام ۾ انهن فرمايو ته حضرت عيسٰي عليه السلام دنيا کي امن و پيار و محبت ۽ انسانيت جي احترام جو درس ڏنو آهي ۽ اڄ سڄي دنيا ۾ امن و محبت، انسانيت جي احترام ۽ مذهبي رواداري جي انهي پيغام کي عام ڪرڻ جي ضرورت آهي. انهن فرمايو ته مسيحي ڀائرن جي لاءِ ڪرسمس خوشي جو پيغام آهي پر ٻين مذهبن جي مڃڻ وارن کي به ان جو احترام ڪرڻ گهرجي. ڇو ته احترام جي انهي عمل سان ئي انسانن جو پاڻ ۾ رابطو، اتحاد ۽ ڀائيچارو جنم وٺي ٿو. انهن فرمايو ته ايم ڪيو ايم تمام مذهبن جي مڃڻ وارن جو احترام ڪري ٿي ۽ چاهي ٿي ته ملڪ ۾ مذهبي رواداري فروغ پائي ته جيئن ملڪ ۾ مذهبي اقليتن کي به انهن جا جائز حق حاصل ٿين ۽ انهن کي جائز مقام ملي.