سانحه پشاور جي شهيدن جي ياد ۾ ايم ڪيو ايم جي مرڪز نائن زيرو تي ميڻ بتيون روشن ڪيون ويون ۽ شهيدن کي زبردست خراج عقيدت پيش ڪيو ويو.

ڪراچي؛ 16 ڊسمبر 2014

            پشاور ۾ آرمي پبلڪ اسڪول ۾ دهشت گردن جي حملي ۾ شهيد ٿيندڙ معصوم شاگردن ۽ استادن جي ياد ۾ ايم ڪيو ايم جي مرڪز نائن زيرو تي ميڻ بتيون روشن ڪيون ويون ۽ شهيدن کي زبردست خراج عقيدت پيش ڪيو ويو. جڏهن ته شهيدن جي ايصال و ثواب جي لاءِ ۽ زخمين جي جلد و مڪمل صحتيابي جي لاءِ دعا به ڪئي وئي.ميڻ بتيون روشن ڪرڻ جي تقريب ۾ رابطا ڪميٽي پاڪستان جي انچارج قمر منصور، رابطا ڪميٽي ميمبرن ڊاڪٽر نصرت، غازي صلاح الدين، اسلم آفريدي، ڪهف الورٰي ۽ عارف خان ايڊووڪيٽ، اسيمبلي ميمبرن، سياسي و مذهبي جماعتن جي وفدن، واپارين، پروفيسرن، استادن، فنڪارن، اديبن، دانشورن ۽ زندگي جي مختلف شعبن سان تعلق رکڻ وارن ماڻهن وڏي تعداد ۾ شرڪت ڪئي ۽ ميڻ بتيون روشن ڪيون. ان کان پوءِ مولانا تنوير الحق ٿانوي دعا ڪرائي جنهن ۾ سانحه پشاور جي شهيدن جي بلند درجات، زخمين جي جلد و مڪمل صحتيابي، سوگوارن جي لاءِ صبر جميل، زخمين جي جلد و مڪمل صحتيابي، ملڪ کان دهشت گردي جي خاتمي، پاڪ فوج جي حوصلن جي بلندي پاڪستان جي استحڪام ۽ قائد تحريڪ جناب الطاف حسين جي وڏي عمر ۽ صحت و تندرستي جي لاءِ خصوصي دعائون ڪيون ويون.