ايم ڪيو ايم قصبه علي ڳڙھ سيڪٽر يونٽ 125 جي ڪارڪن آصف آفتاب جي گهر تي پوليس اهلڪارن جي طرفان بغير ڪنهن جواز جي چاپن جي دوران انهن جي ڀائرن ثاقب آفتاب ۽ عاصم آفتاب جي غيرقانوني گرفتاري تي رابطا ڪميٽي جي طرفان سخت مذمت جو اظهار.
ڪراچي؛ 18 ڊسمبر 2014
ايم ڪيو ايم جي رابطا ڪميٽي ايم ڪيو ايم قصبه علي ڳڙھ سيڪٽر يونٽ 125 جي ڪارڪن آصف آفتاب جي گهر تي پوليس اهلڪارن جي طرفان بغير ڪنهن جواز جي چاپن جي سخت ترين لفظن ۾ مذمت ڪئي آهي ۽ ان واقعي ۾ انهن جي ڀائرن جي گرفتاري تي وڏي ڳڻتي جو اظهار ڪيو آهي.پنهنجي هڪ بيان ۾ رابطا ڪميٽي چيو ته تفصيلات جي مطابق صبح جو پنجين وڳي پوليس موبائيل سيڪٽر يونٽ 125 جي ڪارڪن آصف آفتاب جي گهر غير قانوني چاپو هنيو ۽ انهن جي غير موجودگي ۾ انهن جي ڀائرن ثاقب آفتاب ۽ عاصم آفتاب کي گرفتار ڪري پاڻ سان وٺي وئي.رابطا ڪميٽي چيو ته گذريل ڏينهن به ايم ڪيو ايم جي بي گناھ ڪارڪنن جي گرفتاري جي باري ۾ آگاھ ڪيو ويو هو پر اڄ وري گرفتارين جو سلسلو شروع ٿي ويو آهي. رابطا ڪميٽي صدر مملڪت ممنون حسين، وزير اعظم ميان نواز شريف، وفاقي وزير داخلا چوڌري نثار علي خان، گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته آصف آفتاب جي ڀائرن کي انصاف فراهم ڪيو وڃي ۽ انهن جي بغير ڪنهن جواز جي گرفتارين جو نوٽس ورتو وڃي ۽ ساڻ ئي پوليس ۾ موجود ڪارين رڍين کي به ڪڍيو وڃي.