ايم ڪيو ايم ڪينيڊا جي زير اهتمام ٽورنٽو، ڪيلگري، ايڊمنٽن، مونٽريال ۽ ونڊسرسميت ڪينيڊا جي مختلف شهرن ۾ يوم شهداء ملهايو ويو.
ڪينيڊا؛ 21 ڊسمبر 2014
ايم ڪيو ايم ڪينيڊا جي زير اهتمام ٽورنٽو، ڪيلگري، ايڊمنٽن، مونٽريال ۽ ونڊسرسميت ڪينيڊا جي مختلف شهرن ۾ يوم شهداء وڏي عقيدت ۽ احترام سان ملهايو ويو. جنهن ۾ ڪينيڊا جي سينٽرل آرگنائزر آصف قاضي، جوائنٽ انچارج ۽ ٻين شرڪت ڪئي. ان موقعي تي ذميوارن ڪارڪنن کي خطاب ڪندي چيو ته چنيسر ڳوٺ ۾ اسان جي ساٿين کي شهيد ۽ زخمي ڪيو ويو اهو سڀ ڪجھ ان جي ڪري ڪيو پيو وڃي جو جناب الطاف حسين وڏيرن ، جاگيردارن ۽ اسٽيلبشمينٽ کي للڪاريو آهي. پر اهو ڏينهن پري نه آهي جڏهن ملڪ جي ڪنڊ ڪنڊ ۾ حق جي صدا گونجندي.ان کان علاوه سانحه 14 ڊسمبر 1986 قصبه علي ڳڙھ جي 28 هين ورسي ۽ چنيسر ڳوٺ جي شهيد ڪارڪنن جي بلند درجات جي لاءِ فاتحه خواني ڪئي وئي ۽ تحريڪ جي تمام شهيدن جي مغفرت، پاڪستان جي سلامتي و بقا ۽ قائد تحريڪ جناب الطاف حسين جي وڏي عمر ۽ صحت و تندرستي جي لاءِ خصوصي دعائون به ڪيون ويون.