ايم ڪيو ايم سانحه ڪوٽ راڌا ڪشن ۽ ٿر ۾ قيمتي انساني جانين جي ضايع ٿيڻ تي قومي اسيمبلي ۾ تحريڪ التوائون جمع ڪرائي ڇڏيون.
ڪراچي؛11 نومبر2014
ايم ڪيو ايم جي قائد جناب الطاف حسين جي هدايت تي قومي اسيمبلي جي حق پرست ميمبرن سانحه ڪوٽ راڌا ڪشن ۾ مسيحي جوڙي کي زنده ساڙڻ ۽ ٿر ۾ سنڌ حڪومت ۽ انتظاميه جي بي حسي جي ڪري درجنين معصوم ٻارن سميت سوين قيمتي انساني جانين جي ضايع ٿيڻ تي تحريڪ التوا جمع ڪرائي ڇڏيون.ٻئي تحريڪ التوائون قومي اسيمبلي ۾ حق پرست پارليماني ليڊر رشيد گوڏيل، ڊاڪٽر فاروق ستار۽ ٻين قومي اسيمبلي سيڪريٽريٽ ۾ جمع ڪرايون، جيڪي 17 نومبر تي ٿيندڙ قومي اسيمبلي جي اجلاس ۾ زير بحث آنديون وينديون.