سينيٽر بابر غوري ۽ عادل صديقي جي سنڌ جي سابق وزير اعلٰي ڊاڪٽر ارباب غلام رحيم سان ڪراچي ۾ انهن جي رهائشگاھ تي ملاقات .
ملاقات ۾ ٿرپارڪر سميت سنڌ جي مجموعي سياسي صورتحال تي تفصيلي خيالن جي ڏي وٺ ڪئي وئي.
ڪراچي؛ 12 نومبر2014
متحده قومي موومينٽ جي رابطا ڪميٽي جي ميمبرن سينيٽر بابر غوري ۽ عادل صديقي سنڌ جي سابق وزير اعلٰي ڊاڪٽر ارباب غلام رحيم سان انهن جي رهائشگاھ تي ملاقات ڪئي ۽ ٿرپارڪر سميت سنڌ جي مجموعي سياسي صورتحال تي تفصيلي خيالن جي ڏي وٺ ڪئي. ملاقات ۾ ڊاڪٽر ارباب غلام رحيم ٿر ۾ ڏڪار سٽيلن علائقن ۾ ايم ڪيو ايم جي قائد جناب الطاف حسين جي هدايت تي مٺي،ڇاڇرو ۽ ٿر جي مختلف ڳوٺن ۾ قائم ٿيندڙ رليف ڪيمپن ۽ ڪي ڪي ايف جي طبي و امدادي ڪيمپن جي قيام جي تعريف ڪئي. انهن چيو ته ٿرپارڪر جي علائقي مٺي ۾ سنڌ ڪابينا جو اجلاس ٿرپارڪر جي عوام سان مذاق آهي، جڏهن ته انهن علائقن جي عوام کي اجلاس جي نه پر کاڌي پيتي جي شين جي گهرج آهي.ان موقعي تي رابطا ڪميٽي جي ميمبرن ارباب غلام رحيم جي حڪومت جي دور ۾ انهن جي علائقن ۾ ٿيندڙ ترقياتي ڪمن تي انهن جي تعريف به ڪئي