پاڪستان ۾ مختلف گوڙ وارا علائقا حق ڳالهائڻ وارن صحافين جي لاءِ نوگو ايريا جي حيثيت رکن ٿا.قائد تحريڪ جناب الطاف حسين
وقت جو تقاضا آهي ته صحافين جي خلاف ڏوهاري ماڻهن ۽ ٽولن جي خلاف سختي ڪري صحافين کي تحفظ فراهم ڪيو وڃي.
جناب الطاف حسين جو اقوام متحده جي طرفان صحافين جي خلاف ڏوھ ڪرڻ وارن کي ڇوٽ ڏيڻ جي خاتمي جي لاءِ عالمي ڏينهن جو خير مقدم.
لنڊن؛2 نومبر2014
متحده قومي موومينٽ جي قائد جناب الطاف حسين اقوام متحده جي طرفان صحافين جي خلاف ڏوهن ۾ ملوث ماڻهن کي ڇوٽ ڏيڻ جي خاتمي جي لاءِ 2 نومبر تي ملهايو وڃڻ جي عالمي ڏينهن جو خير مقدم ڪندي ان کي صحافي برادري جي تحفظ جي لاءِ اهم قدم قرار ڏنو آهي. پنهنجي هڪ خصوصي بيان ۾ جناب الطاف حسين فرمايو ته پاڪستان ۾ به مختلف علائقا حق گو صحافين جي لاءِ نوگو ايريا جي حيثيت رکن ٿا ۽ ملڪ جي انهن گوڙ وارن علائقن ۾ ڪيترن ئي انتها پسند ۽ دهشت گرد گروپن جي طرفان صحافتي فرضن جي ادائگي جي دوران صحافين جي اغوا، انهن تي تشدد ۽ قتلن سميت ڏوهن جا ٻيا واقعا به روز ٿين ٿا پر ان صورتحال ۾ صحافين کي موثر تحفظ فراهم نه ٿو ڪيو وڃي. انهن فرمايو ته ان حوالي سان اقوام متحده جي طرفان ملهايو ويندڙ ڏينهن صحافي برادري جي لاءِ اهم قدم ثابت ٿيندو ڇو ته اهو موجوده وقت جو تقاضا آهي ته صحافين جي خلاف ڏوهن ۾ ملوث عناصر ۽ ٽولن جي خاتمي جي لاءِ ملڪ جي مختلف حصن ۾ صحافين کي پنهنجيون ذميواريون ادا ڪرڻ جي آزادي ڏياري وڃي ۽ فرضن کي انجام ڏيڻ وقت زخمي يا شهيد ٿيندڙ صحافين ۽ انهن جي گهر وارن کي بهترين سهولتون فراهم ڪرڻ جي لاءِ قانون ۾ ترميم ڪري انهن تي سختي سان عمل ڪيو وڃي ڇو ته اڄ جي جديد دور ۾ عوام کي موجوده صورتحال کان آگاھ رکڻ ۾ صحافين جو اهم ڪردار ناقابل فراموش آهي