ايم ڪيو ايم جي رابطا ڪميٽي جي معروف عالمن سڳورن عون محمد نقوي ۽ حافظ جميل راٺوڙ سان ملاقاتون.
ملڪ ۾ شيعه ۽ سني فرقن ۾ ٽڪراءُ جي خواهش رکندڙ قوتون محرم شريف ۾ انتشار ڦيلائڻ جون سازشون ڪري رهيون آهن.رابطا ڪميٽي.
ڪراچي؛پهرين نومبر2014
متحده قومي موومينٽ جي قائد جناب الطاف حسين جي خصوصي هدايت تي رابطا ڪميٽي جي ميمبرن احمد سليم صديقي ۽ عبدالحسيب معروف عالمن سڳورن علامه عون محمد نقوي ۽ حافظ جميل راٺوڙ سان الڳ الڳ ملاقاتون ڪيون ۽ انهن کي جناب الطاف حسين جو محرم شريف جي دوران مذهبي رواداري، انتها پسندي جي خاتمي ۽ هڪ ٻئي کي برداشت ڪرڻ جو پيغام پهچايو. ان موقعي تي اسيمبلي ميمبرَ سفيان يوسف، جمال احمد، ريحان ظفر ۽ علماء ڪميٽي انچارج جاويد احمد به انهن سان گڏ هئا.ان موقعي تي رابطا ڪميٽي ڳالھ ٻولھ ڪندي چيو ته دنيا جي مختلف ملڪن ۾ انتها پسند گروپَ شيعه سني فسادن کي هوا ڏيئي رهيا آهن ۽ ملڪ ۾ شيعه ۽ سني فرقن ۾ ٽڪراءُ ۽ اختلافن جي خواهش رکڻ واريون قوتون هڪ ڀيرو ٻيهر محرم شريف ۾ انتشار ڦيلائڻ جون سازشون ڪري رهيون آهن.رابطا ڪميٽي چيو ته پاڪستان ۾ امن ۽ رواداري جي لاءِ مان سڄي ملڪ جي عالمن سڳورن کي اپيل ڪئي آهي ته اهي
پاڻ ۾ اتحاد ۽ ڀائيچارو قائم ڪري سازشي عناصر جي سازشن کي ناڪام بڻائي ڇڏين.رابطا ڪميٽي چيو ته جيڪڏهن اڄ اسان ملڪ ۾ انهن خطرناڪ گروپن جي موجودگي جو نوٽس نه ورتو ۽ پنهنجين صفن ۾ اتحاد قائم نه ڪيو ته ان جا انتهائي سنگين نتيجا نڪرندا.ملاقاتن جي موقعي تي عالمن سڳورن مذهبي رواداري جي قيام جي لاءِ جناب الطاف حسين جي ڪاوشن کي ساراهيندي چيو ته جناب الطاف حسين ملڪ جا واحد ليڊر آهن جيڪي نه صرف سياسي مسئلن بلڪه مذهبي مسئلن جي حل جي لاءِ به ڪوشان آهن ۽ ان جا ڪارڪنَ ڏينهن رات ملڪ ۾ امن و امان جي قيام جي لاءِ جدوجهد ڪري رهيا آهن.عالمن سڳورن رابطا ڪميٽي کي پنهنجي هر ممڪن تعاون جو يقين ڏياريندي دعا ڪئي ته الله تعالٰي پاڪستان ۾ وسندڙ تمام مڪاتب فڪر ۽ مذهبن جي عوام ۾ محبت ۽ ڀائيچارو قائم ڪري.آمين.