ايم ڪيو ايم رابطا ڪميٽي جي ميمبر اشفاق منگي جي سنڌي چينل جي بيوروچيف فاروق تبسم تي پيپلز پارٽي جي ڪارڪنن جي طرفان وحشياڻي تشدد جي سخت مذمت.
ڪراچي؛ پهرين نومبر2014
متحده قومي موومينٽ جي رابطا ڪميٽي جي ميمبر اشفاق منگي پيپلز پارٽي جي ڪارڪنن جي طرفان سنڌي چينل آواز جي بيوروچيف فاروق تبسم تي وحشياڻي تشدد جي سخت ترين لفظن ۾ مذمت ڪئي آهي ۽ ان کي اظهار جي آزادي جي خلاف قرار ڏنو آهي.پنهنجي هڪ بيان ۾ اشفاق منگي چيو ته فاروق تبسم کي ڊي جي هيلٿ آفيس وحدت ڪالوني حيدرآباد ۾ هيپاٽائيٽس ڪنٽرول پروگرام ۾ بي ضابطگين جي عوامي شڪايتن تي صحافتي ذميواريون ادا ڪرڻ جي ڏوھ ۾ تشدد جو نشانو بڻايو ويو، جنهن جي جيتري به مذمت ڪئي وڃي اها گهٽ آهي. انهن چيو ته صحافين تي تشدد ڪنهن به مهذب معاشري جي سڃاڻ نه آهي ۽ اهو ان ڳالھ جو ثبوت آهي ته پيپلز پارٽي ۽ ان جا ڪارڪنَ برداشت جي جذبي کان خالي آهن. انهن فاروق تبسم جي گهر وارن سان دلي همدردي جو اظهار ڪندي دعا ڪئي ته الله تعالٰي فاروق تبسم کي جلد و مڪمل صحتيابي عطا فرمائي.اشفاق منگي وزير اعلٰي سنڌ سيد قائم علي شاھ ۽ آئي جي سنڌ کان مطالبو ڪيو ته اهي فاروق تبسم تي وحشياڻي تشدد ۾ ملوث ماڻهن کي گرفتار ڪري فاروق تبسم کي انصاف ڏيارين.