پاڪستان بين الاقوامي سطح تي تنهائي جو شڪار آهي، رانڌين ۽ ثقافت کي فروغ ڏيئي ڪري اسان خطي کي ترقي ڏياري سگهون ٿا.سيد حيدر عباس رضوي.
ميانمار سيپڪ تاڪر اينڊ چن لون فيڊريشن جي صدر جي وفد سان گڏجي نائن زيرو آمد، ان موقعي تي حيدر عباس رضوي جي ڳالھ ٻولھ.
ڪراچي؛ 30 آڪٽوبر2014
ميانمار سيپڪ تاڪر ۽ چن لون فيڊريشن جي صدر ، قومي ڪوچ مسٽر لون ۽ ميانمار جي قومي ٽيم جي رانڌيگرن تي مشتمل وفد نائن زيرو جو دورو ڪيو. ان موقعي تي رابطا ڪميٽي ميمبر حيدرعباس رضوي ۽ ٻين انهن جو استقبال ڪيو ۽ انهن کي جناب الطاف حسين جي طرفان خوش آمديد چيو.وفد ۾ سيپڪ تاڪر اينڊ چن لون فيڊريشن پاڪستان جو جنرل سيڪريٽري، فيڊريشن سنڌ جو صدر ۽ ٻيا به شامل هئا. ان موقعي تي حيدرعباس رضوي چيو ته پاڪستان بين الاقوامي سطح تي تنهائي جو شڪار ٿيندو پيو وڃي پر رانڌيون ۽ ثقافت هڪ اهڙو ميدان آهي جتي ٻين ملڪن سان تعلقات کي فروغ ڏيئي ڪري ۽ پاڻ ۾ اختلافن جو خاتمو ڪري خطي کي ترقي جي راھ تي گامزن ڪري سگهجي ٿو.