اندرون سنڌ ۽ ڪراچي جي سنڌي ڳالهائڻ وارن ڪارڪنن جي اجلاس ۾ رابطا ڪميٽي ميمبر اشفاق منگي چار قراردادون پيش ڪيون.
ڪراچي؛ 28 آڪٽوبر2014
متحده قومي موومينٽ جي زير اهتمام اندرون سنڌ ۽ ڪراچي جي سنڌي ڳالهائڻ وارن ڪارڪنن جي اجلاس ۾ رابطا ڪميٽي ميمبر اشفاق منگي چار قراردادون پيش ڪيون. جن کي سنڌي ڪارڪنن هٿ مٿي کڻي ڪري منظور ڪيو.اشفاق منگي پهرين قرارداد پيش ڪندي چيو ته سنڌ ڌرتي اسان جي امڙ آهي ۽ ان تي رهندڙ سڀ ماڻهو پاڻ ۾ ڀائر آهن،ڀلي اهي سنڌي هجن يا مهاجر هجن. ٻئي قراردار پيش ڪندي انهن چيو ته سنڌ جا اصل دشمن وڏيرا ۽ جاگيردار آهن جن سنڌ ڌرتي جي ماڻهن جي زمينن ۽ حقن تي قبضو ڪري رکيو آهي. ٽئين قرارداد پيش ڪندي انهن چيو ته اهو اجلاس گڏيل طور تي اهو طئي ڪري ٿو ته اسان سنڌ کي جاگيردارن ۽ وڏيرن جي ظلم کان نجات ڏيارڻ جي لاءِ ڪنهن به قرباني ڏيڻ کان نه ڪيٻائينداسين.چوٿين قرارداد پيش ڪندي انهن چيو ته تمام سنڌي ڳالهائڻ وارا ڪارڪنَ اهو طئي ڪن ٿا ته محترم باني و قائد تحريڪ جناب الطاف حسين سنڌ ڌرتي جا قابل فخر پٽ ۽ قائد آهن.