ٿر پارڪر ۾ کاڌي پيتي ۽ دوائن جي نه ملڻ جي ڪري عورتن ۽ ٻارڙن جي فوت ٿيڻ تي ايم ڪيو ايم جي رابطا ڪميٽي جي طرفان ڳڻتي جو اظهار.

             متحده قومي موومينٽ جي رابطا ڪميٽي ٿرپارڪر ۾ کاڌي پيتي جي شين ۽ دوائن جي نه ملڻ جي ڪري عورتن ۽ ٻارڙن جي هلاڪت تي وڏي ڳڻتي جو اظهار ڪندي چيو آهي ته ٿرپارڪر ۾ ماڻهن جي مسلسل فوت ٿيڻ جي باوجود به ٺوس قدم نه کڻڻ سنڌ حڪومت جو وڏو ظلم آهي. پنهنجي هڪ بيان ۾ رابطا ڪميٽي چيو ته ٿرپارڪر ۾ ماڻهن جو بک جي ڪري فوت ٿيڻ سان ثابت ٿي ويو آهي ته پيپلز پارٽي جي حڪومت سنڌي ڀائرن سان ڪيتري سچي آهي.رابطا ڪميٽي چيو ته سنڌ حڪومت جي وزيرن ۾ ذري برابر به انسانيت هجي ها ته اڄ ٿرپارڪر ۾ عورتون  ۽ ٻار بک ۾ نه مرن ها. رابطا ڪميٽي وزير اعظم ميان نواز شريف کان مطالبو ڪيو ته ٿرپارڪر ۾ کاڌي پيتي جي شين ۽ دوائن جي نه ملڻ جي ڪري ماڻهن جي مسلسل فوت ٿيڻ جي واقعن تي سنڌ حڪومت جي مجرمانه غفلت ۽ خاموشي جو سنجيدگي سان نوٽس ورتو وڃي ۽ ٿرپارڪر ۾ کاڌي پيتي جي شين ۽ دوائڻ جي قلت کي دور ڪيو وڃي.

*****