حيدرآباد ۾ بم کي ناڪاره بڻائيندي زخمي ٿيندڙ بم ڊسپوزل اسڪواڊ جي انچارج سليم وستڙو جي شهادت تي ايم ڪيو ايم جي رابطا ڪميٽي جي طرفان افسوس جو اظهار.
ڪراچي؛29 آڪٽوبر2014
متحده قومي موومينٽ جي رابطا ڪميٽي حيدرآباد ۾ بم ڊسپوزل اسڪواڊ جي انچارج سليم وستڙو جي طرفان بم کي ناڪاره بڻائيندي زخمي ٿيڻ کان پوءِ زخمن جا سور نه سهندي شهيد ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ رابطا ڪميٽي چيو ته سليم وستڙو ڪيترن ئي سالن کان بمن کي ناڪاري بڻائي ڪري عوام جي جان و مال کي تحفظ فراهم ڪندا رهيا آهن،جنهن تي اهي زبردست خراج عقيدت جا مستحق آهن. رابطا ڪميٽي سليم وستڙو شهيد جي تمام سوگوار پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ دعا ڪئي ته الله تعالٰي انهن کي جنت الفردوس ۾ اعلٰي مقام عطا فرمائي ۽ تمام سوگوار پونئرن کي اهو صدمو برداشت ڪرڻ جو حوصلو عطا فرمائي.آمين.رابطا ڪميٽي سنڌ حڪومت کان مطالبو ڪيو ته سليم وستڙو شهيد جي قرباني کي رائيگان نه وڃڻ ڏنو وڃي ۽ انهن جي پونئرن جي سار سنڀال ۽ ٻارن جي تعليم و تربيت جي لاءِ موثر قدم کنيا وڃن.