جناب الطاف حسين جي طرفان پاڪستان سميت سڄي دنيا ۾ مقيم هندو برادري کي انهن جي مذهبي ڏڻ ديوالي جي مبارڪباد پيش.
لنڊن؛22 آڪٽوبر2014
متحده قومي موومينٽ جي قائد جناب الطاف حسين پاڪستان سميت سڄي دنيا ۾ مقيم هنڌو برادري کي انهن جي مذهبي ڏڻ ديوالي جي دلي مبارڪباد پيش ڪئي آهي. ديوالي جي موقعي تي پنهنجي هڪ خصوصي پيغام ۾ انهن فرمايو ته ايم ڪيو ايم مذهبي رواداري تي يقين رکي ٿي ۽ پاڪستان ۾ مذهبي اقليتن کي برابر جو شهري سمجهي ٿي، انهن فرمايو ته ملڪ ۾ ضرورت ان ڳالھ جي آهي ته تمام مذهبن جا ماڻهو هڪ ٻئي جي عبادتگاهن ۽ مذهبي عقيدن جو احترام ڪن ۽ جيئو ۽ جيئڻ ڏيو جي پاليسي تي عمل ڪن.انهن وڌيڪ فرمايو ته پاڪستان ۾ موجود تمام مذهبن جي مڃڻ وارن کي انهن جا بنيادي حق ڏنا وڃن ۽ انهن سان ڪنهن به قسم جو امتيازي سلوڪ نه ڪيو وڃي.جناب الطاف حسين هندو برادري کي هڪ ڀيرو ٻيهرديوالي جي دلي مبارڪباد پيش ڪندي فرمايو ته اهي پنهنجي عبادتن ۾ ملڪ کان دهشت گردي جي خاتمي، امن و امان جي قيام، ايم ڪيو ايم جي جدوجهد جي ڪاميابي ۽ ايم ڪيو ايم جي خلاف سازشن جي خاتمي جي لاءِ به خصوصي دعائون ڪن.