نون انتظامي يونٽن جو قيام وقت جي اهم ضرورت آهي جنهن کان انڪار نه ٿو ڪري سگهجي.قائد تحريڪ جناب الطاف حسين.

ڪراچي؛ 16 آڪٽوبر 2014

             متحده قومي موومينٽ جي قائد جناب الطاف حسين فرمايو آهي ته پاڪستان ۾ نون انتظامي يونٽن جو قيام وقت جي اهم ضرورت آهي، جنهن کان هاڻي انڪار نه ٿو ڪري سگهجي.اها ڳالھ انهن اڄ ڊفينس اينڊ ڪلفٽن ريزيڊنسي ڪميٽي جي زير اهتمام منعقد ڪيل سيمينار کي فون تي خطاب ڪندي فرمائي. سيمينار جو موضوع“نون انتظامي يونٽن جي قيام جي ضرورت” هو. ان سيمينار ۾ ملڪ جي ممتاز دانشورن، اديبن، سينيئر صحافين، ليکڪن، سابق بيوروڪريٽس ۽ زندگي جي مختلف شعبن سان تعلق رکڻ وارين شخصيتن شرڪت ڪئي.جناب الطاف حسين فرمايو ته نون انتظامي يونٽن جي قيام جو معاملو ڪوئي زباني، ڪلامي يا هوائي ڳالھ نه آهي بلڪه اهو معاملو حقيقت کي ٻڌڻ، ٻڌائڻ ۽ سمجهائڻ جو آهي ته جيئن ان معاملي کي نفرت ۽ تعصب جي عينڪ سان ڏسڻ جي بجاءِ حقيقت جي نظر سان ڏٺو وڃي ۽ حقيقتن جي روشني ۾ حل ڪيو وڃي. انهن فرمايو ته بدقسمتي سان اسان جي ملڪ ۾ ان معاملي کي سمجهڻ کان پاسو ڪيو پيو وڃي ۽ ان کي سمجهڻ جي بجاءِ نفرت جو نشانو بڻايو پيو وڃي. جناب الطاف حسين سيمينار ۾ دانشورن ۽ سينيئر صحافين جي طرفان ڪئي ويندڙ تقريرن کي ساراهيو ۽ فرمايو ته نون انتظامي يونٽن جي موضوع تي ڪيل تقريرن ۾ علم ۽ ڄاڻ جو ذخيرو آهي ان جي ڪري ان کي ڪتابچي جي شڪل ۾ مرتب ڪيو وڃي ته جيئن عوام خصوصن نوجوانن ۾ تقسيم ڪيو وڃي ۽ انهن کي ان معاملي ۾ ڄاڻ حاصل ٿي سگهي ۽ اهي نعرن ۽ حقيقت ۾ فرق ڪري سگهن.انهن نون صوبن جي قيام جي حوالي سان “صوبا ڇو ضروري آهن” جي عنوان سان نهايت شاندار ڪتاب مرتب ڪرڻ تي ممتاز دانشور ۽ ڪالم نگار خليل نيني تال والا کي زبردست خراج تحسين به پيش ڪيو.