اڇي لڪڻ جو احترام هر شهري تي لازم آهي جيڪڏهن ڪٿي ڪوئي اڇي لڪڻ وارو نظر اچي ته ان جو احترام ڪيو وڃي.حيدر عباس رضوي.

ڪراچي؛15 آڪٽوبر2014

             متحده قومي موومينٽ جي شعبي پي ڊبليو ڊي جي زير اهتمام اکين کان محروم(نابين) ماڻهن سان يڪجهتي جي لاءِ عالمي ڏينهن برائي تحفظ اڇي لڪڻ جي موقعي تي هڪ وڏي تقريب جو انعقاد ڪيو ويو. تقريب جي شرڪاء سان ڳالھ ٻولھ ڪندي حيدر عباس رضوي چيو ته اهي جناب الطاف حسين ۽ ايم ڪيو ايم رابطا ڪميٽي جي طرفان اڇي لڪڻ جي تحفظ جي عالمي ڏينهن جي موقعي تي سڄي دنيا جي اکين کان محروم ماڻهن سان يڪجهتي جو اظهار ڪن ٿا ۽ شاندار تقريب جي انعقاد تي منتظمين کي مبارڪباد پيش ڪن ٿا. انهن چيو ته اڇي لڪڻ جو احترام هر شهري تي لازم آهي ۽ اسان جو فرض آهي ته جيڪڏهن ڪٿي ڪوئي شخص اڇي لڪڻ وارو نظر اچي ته ان جو احترام ڪيو وڃي.انهن چيو ته جيڪڏهن ڪوئي شخص اکين کان محروم هجي ته ان کي نابينا چوڻ سراسر ظلم آهي،اهڙو شخص اکيون رکڻ واري شخص کان وڌيڪ بهتر آهي جنهن کي اکيون رکڻ جي باوجود پنهنجي آس پاس ظلم ۽ ناانصافي نظر نه ٿي اچي.انهن چيو ته اکين کان محروم ماڻهو ڀلي اهي ڏسي نه سگهندا هجن پر اهي پنهنجي شعور جي اکين سان اکين رکڻ وارن ماڻهن کان وڌيڪ بهتر ڏسي سگهن ٿا.انهن چيو ته ايم ڪيو ايم واحد جماعت آهي جنهن جناب الطاف حسين جي خصوصي هدايت تي ملڪ جي هڪ اهڙي طبقي کي جنهن کي هميشه نظر انداز ڪيو ويو آهي انهن جو شعبو پي ڊبليو ڊي بڻايو. انهن چيو ته پارليامينٽ ۾ اهي ماڻهو ويٺا آهن جن کي اوهان جو ڏک ۽ مسئلا نظر نه ٿا اچن، اهي ئي اصل ۾ عقل جا انڌا آهن، پر ايم ڪيو ايم ان ڳالھ جي مڪمل حمايت ڪري ٿي ته ملڪ جي اسيمبلين ۾ به معذور ماڻهن جي لاءِ مخصوص سيٽون مختص هجڻ گهرجن.جتي اهي پنهنجن مسئلن جي لاءِ پاڻ آواز اٿارين.انهن چيو ته اوهان جناب الطاف حسين جي حق پرستي جي پيغام کي ڦيلائڻ جي لاءِ هر فورم تي ڪوششون ڪندا رهو انشاء الله تعالٰي ايم ڪيو ايم ئي اها پهرين جماعت هوندي جنهن جي پليٽ فارم تان اوهان ماڻهو اسيمبلين ۾ پهچندو.ان کان اڳ رابطا ڪميٽي ميمبر احمد سليم صديقي چيو ته پي ڊبليو ڊي جو دائرو ڪراچي کان نڪري ڪري حيدرآباد ۽ سنڌ جي ٻين شهرن تائين ڦيلجي چڪو آهي،جنهن جو ڪريڊٽ جناب الطاف حسين کي وڃي ٿو.تقريب کي رابطا ڪميٽي معاون غازي صلاح الدين، انچارج شعبه خواتين ڪشور زهره ۽ پي ڊبليو ڊي انچارج به خطاب ڪيو.