ايم ڪيو ايم جي قائد جناب الطاف حسين کي طالبان جي طرفان ڏنل ڌمڪين تي رابطا ڪميٽي، حق پرست سينيٽرن،قومي ۽ صوبائي اسيمبلين جي ميمبرن برطانيه جي وزير اعظم ڊيوڊ ڪيمرون، سيڪريٽري داخله ٽريمسامي ۽ ٻين برطانوي حڪام کي الڳ الڳ خطَ لکيا.
لنڊن ۾ قائد تحريڪ جناب الطاف حسين جي حفاظت جي لاءِ ڀرپور ۽ موثر قدمَ کنيا وڃن. خطن ۾ اپيل.
ڪراچي؛ 15 آڪٽوبر2014
متحده قومي موومينٽ جي رابطا ڪميٽي، حق پرست سينيٽرن ۽ قومي ۽ صوبائي اسيمبلين جي ميمبرن برطانوي وزير اعظم ڊيوڊ ڪيمرون، سيڪريٽري داخله ٽريساما ۽ ٻين برطانوي حڪام کي الڳ الڳ خط لکيا آهن جن ۾ انهن طالبان جي طرفان ايم ڪيو ايم جي قائد جناب الطاف حسين ۽ ٻين رهنمائن کي ڏنل قتل جي ڌمڪين تي پنهنجي وڏي ڳڻتي جو اظهار ڪيو آهي. پنهنجن الڳ الڳ خطن ۾ انهن چيو ته ايم ڪيو ايم لبرل ۽ روشن خيال جماعت آهي.جيڪا پهرين ئي ڏينهن کان مذهبي انتها پسندي ۽ دهشت گردي جي خلاف آهي، جناب الطاف حسين هميشه هر فورم تي مذهبي انتها پسندي ۽ طالبانائزيشن جي خلاف آواز بلند ڪئي آهي،انهن روشن خيال نظرين جي ڪري ئي انتها پسند عناصر هميشه قائد تحريڪ جناب الطاف حسين ۽ ايم ڪيو ايم جي قيادت جي خلاف رهيا آهن ۽ انهن کي نقصان پهچائڻ جي پويان آهن. حاليه ڏينهن ۾ هڪ ڀيرو ٻيهر قائد تحريڪ جناب الطاف حسين ۽ ٻين رهنمائن کي طالبان جي طرفان کليل ڌمڪيون موصول ٿيون آهن جن سان ايم ڪيو ايم جي لکين ڪارڪنن سميت سڄي دنيا ۾ موجود قائد تحريڪ جناب الطاف حسين جي چاهڻ وارن ۾ سخت ڳڻتي پاتي وڃي ٿي. انهن برطانيه جي وزير اعظم، سيڪريٽري داخله ۽ ٻين اعلٰي حڪام کي اپيل ڪئي ته لنڊن ۾ قائد تحريڪ جناب الطاف حسين جي حفاظت جي لاءِ ڀرپور ۽ موثر قدمَ کنيا وڃن.