عوام عيد الاضحٰي جي موقعي تي قرباني جون کلون ڪي ڪي ايف کي ڏين. قائد تحريڪ جناب الطاف حسين جي اپيل.
لنڊن؛5 آڪٽوبر؛2014
متحده قومي موومينٽ جي قائد جناب الطاف حسين عوام کي اپيل ڪئي آهي ته اهي عيدالاضحٰي جي موقعي تي قرباني جون کلون ايم ڪيو ايم جي فلاحي اداري ڪي ڪي ايف کي ڏين. پنهنجي هڪ بيان ۾ جناب الطاف حسين فرمايو ته ڪي ڪي ايف هڪ منظم فلاحي ادارو آهي جيڪو گذريل ڪيترن ئي سالن کان غريب ۽ مستحق ماڻهن جي بغير ڪنهن فرق جي خدمت ڪري رهيو آهي. ڪي ڪي ايف جو ايمبولينس سينٽر، ميت بس سروس، بلڊ بينڪ ۽ اسپتال ڏينهن رات عوام جي خدمت ۾ مصروف آهن. ان سان گڏو گڏ ان فلاحي اداري سان لاڳاپيل اسڪولَ ۽ يونيورسٽي به تعليم جي فروغ جي لاءِ ڪوشان آهن. ان کان علاوه ڪي ڪي ايف جي طرفان غريبن جي مدد جو سلسلو سڄو سال جاري رهي ٿو. انهن فرمايو ته ڪي ڪي ايف جون تمام تر فلاحي سرگرميون عوام جي عطيات ، زڪوٰت، فطرن ۽ قرباني جي کلن جي ڪري ئي جاري آهن ۽ ان کي پنهنجي فلاحي سرگرمين جو دائرو وڌائڻ جي لاءِ عوام جي عطيات جي سخت ضرورت آهي. انهن عوام کي اپيل ڪئي ته اهي عيد جي موقعي تي قرباني جون کلون وڌ کان وڌ ڪي ڪي ايف کي ڏين.