جناب الطاف حسين انتظامي بنيادن تي نون صوبن جي قيام جي ذريعي سڄي ملڪ جي مظلومن کي انهن جا بينادي حقَ ڏيارڻ چاهين ٿا.ايم ڪيو ايم رابطا ڪميٽي ميمبر گلفراز خان خٽڪ.
ايم ڪيو ايم پختون آرگنائزنگ ڪميٽي جي زير اهتمام نارٿ ناظم آباد يونٽ نمبر 1 پاپوش نگر ۾ پختون معززن جي اجتماع کي خطاب.
ڪراچي؛ 5 آڪٽوبر2014
متحده قومي موومينٽ جي رابطا ڪميٽي جي ميمبر گلفراز خان خٽڪ چيو آهي ته قائد تحريڪ جناب الطاف حسين ڪنهن به قوم جي خلاف نه آهن ۽ سڄي ملڪ ۾ انتظامي بنيادن تي نون صوبن جي قيام جي ذريعي مظلوم قومن کي انهن جا بنيادي حق ڏيارڻ چاهين ٿا. انهن خيالن جو اظهار انهن ايم ڪيو ايم پختون آرگنائيزنگ ڪميٽي جي زير اهتمام نارٿ ناظم آباد يونٽ نمبر 1 پاپوش نگر ۾ پختون ڪارڪنن ۽ معززن جي ميڙ کي خطاب ڪندي ڪيو. ميڙ کي قومي اسيمبلي ميمبر ريحان هاشمي به خطاب ڪيو.ان موقعي تي پختون آرگنائيزنگ ڪميٽي جو انچارج شير ولي ۽ ٻيا به موجود هئا.گلفراز خان خٽڪ چيو ته جاگيردارن، وڏيرن ۽ سردارن تي ٻڌل ٽولو ملڪ تي قابض آهي ۽ ان ٽولي هڪ خاندان جي شڪل اختيار ڪري ورتي آهي. انهن چيو ته قائد تحريڪ جناب الطاف حسين ملڪ جا واحد ليڊر آهن جيڪي صرف دعوائون ڪرڻ جي بجاءِ مظلومن جي حقن جي لاءِ ڪيترن ئي سالن کان عملي جدوجهد ڪري رهيا آهن. انهن چيو ته جناب الطاف حسين جي حق پرستانه جدوجهد ملڪ جي مظلومن جي لاءِ اميد جو مرڪز بڻجي چڪي آهي ۽ انشاء الله تعالٰي اهو وقت پري نه آهي جڏهن جناب الطاف حسين جي قيادت ۾ مظلوم عوام کي انهن جا حق ملندا.انهن عوام کي اپيل ڪئي ته اهي قرباني جون کلون ايم ڪيو ايم جي فلاحي اداري ڪي ڪي ايف کي ڏين.
****