پاڪستان سميت سڄي دنيا جي مسلمانن کي ايم ڪيو ايم جي قائد جناب الطاف حسين جي طرفان عيدالاضحٰي جي دلي مبارڪباد.

لنڊن؛5 آڪٽوبر؛2014

            متحده قومي موومينٽ جي قائد جناب الطاف حسين پاڪستان سميت سڄي دنيا جي مسلمانن کي عيدالاضحٰي جي دلي مبارڪباد پيش ڪندي فرمايو ته عيدالاضحٰي تمام مسلمانن کي الله تعالٰي جي رضا حاصل ڪرڻ جي لاءِ پنهنجي پياري کان پياري شي جي قرباني ڪرڻ جو درس ڏيئي ٿي. عيدالاضحٰي جي موقعي تي پنهنجي هڪ پيغام ۾ انهن فرمايو ته عيدالاضحٰي سنت ابراهيمي آهي ۽ سرڪار دوعالم صلي الله عليه وسلم به ان سنت ابراهيمي کي جاري رکيو جنهن مان عيد جي اهميت نه صرف ظاهر ٿئي ٿي پر مسلمانن کي ان جي اصل روح کي سمجهڻ جو درس به ملي ٿو.انهن فرمايو ته الله تعالٰي جي حڪم تي حضرت ابراهيم پنهنجي پٽ حضرت اسماعيل کي قرباني جي لاءِ پيش ڪري ڇڏيو، جڏهن ته حضرت اسماعيل به الله تعالٰي جي رضا حاصل ڪرڻ جي لاءِ جهڙي طرح سان فرمانبرداري جو مظاهرو ڪندي پنهنجي پاڻ کي قرباني جي لاءِ پيش ڪيو اهو جذبو اسان کي درس ڏيئي ٿو ته الله تعالٰي جي راھ ۾ پنهنجي پياري کان پياري شي قربان ڪرڻ عين عبادت آهي. انهن فرمايو ته مخير حضرات ۽ صاحب حيثيت ماڻهو عيد جون اصل خوشيون حاصل ڪرڻ جي لاءِ سيلاب زدگان، آئي ڊي پيز، غريبن، مسڪينن ۽ بيوائن کي به ان موقعي تي ياد رکن ۽ انهن جي ڀرپور مدد ڪن.انهن سنڌ، پنجاب، خيبرپختونخواھ ، بلوچستان، آزاد ڪشمير ۽ گلگت بلتستان سميت آمريڪا ،برطانيه ،يورپي ۽ عرب ملڪن ۾ مقيم ايم ڪيو ايم جي ذميوارن ۽ ڪارڪنن کي عيد جي دلي مبارڪباد پيش ڪئي ۽ انهن کي تلقين ڪئي ته اهي عيد جي موقعي تي حق پرست شهيدن جي پونئرن، اسيرن ۽ لاپتا ڪارڪنن جي گهر وارن ۽ غريبن جي به سار سنڀال لهن ۽ انهن جي امداد ڪن ۽ انهن کي به عيد جي خوشين ۾ شامل ڪن.