ڪراچي ۾ جي يو آئي ف جي رهنما مولانا ساجد الله ۽ مولانا مسعود جي ٽارگيٽ ڪلنگ جا واقعا قابل مذمت آهن. قائد تحريڪ جناب الطاف حسين.
لنڊن؛7 آڪٽوبر2014
متحده قومي موومينٽ جي قائد جناب الطاف حسين ڪراچي ۾ جي يو آئي ف جي رهنما مولانا ساجد الله ۽ مولانا مسعود جي ٽارگيٽ جي واقعن جي سخت ترين لفظن ۾ مذمت ڪئي آهي ۽ انهن واقعن کي شهر ۾ فرقي وارانه فسادن جي باھ ڀڙڪائڻ جي هڪ وڏي سازش جو حصو قرار ڏنو آهي. پنهنجي هڪ بيان ۾ جناب الطاف حسين فرمايو ته ڪجھ امن دشمن ماڻهو هڪ سوچيل سمجهيل سازش جي تحت شهر ۾ فرقي واراڻه قتل جا واقعا ڪري رهيا آهن ته جيئن عوام کي فقه ۽ مسلڪ جي بنياد تي پاڻ ۾ ويڙهايو وڃي. انهن فرمايو ته عوام فقه ۽ مسلڪ جي بنياد تي پاڻ ۾ وڙهڻ نه ٿا چاهين بلڪه اهي پاڻ ۾ گڏجي ڪري رهڻ چاهين ٿا، عوام“ لڪم دينڪم ولي الدين تي” يقين رکن ٿا، جناب الطاف حسين مولانا ساجد الله ۽ مولانا مسعود جي سوگوار پونئرن ۽ انهن جي جماعتن جي قائدين سان دلي تعزيت ۽ همدردي جو اظهار ڪيو ۽ دعا ڪئي ته الله تعالٰي انهن جي مغفرت فرمائي ۽ انهن کي پنهنجي جوار رحمت ۾ اعلٰي مقام عطا فرمائي.آمين.