انا يا عهدي جو رعب ۽ تڪبر به تحريڪي ذميوارن جي دماغ ۾ نه اچڻ گهرجي.قائد تحريڪ جناب الطاف حسين.

لنڊن؛ 8 آڪٽوبر2014

             ايم ڪيو ايم جي قائد جناب الطاف حسين فرمايو آهي ته انا يا عهدي جو رعب يا تڪبر ڪڏهن به تحريڪ جي ذميوارن جي دماغ ۾ نه اچڻ گهرجي، بلڪه ذميوار پنهنجي پاڻ کي ساٿين جو خادم، انهن جو همدرد ۽ مددگار سمجهن.انهن اها ڳالھ ايم ڪيو ايم اپر پنجاب زون جي عهديدارن ۽ ڪارڪنن سان ڳالھ ٻولھ ڪندي فرمائي.ان موقعي تي متحده قومي موومينٽ پنجاب جي صدر ميان عتيق بيگ سميت ٻين ۽ ڪارڪنن جناب الطاف حسين کي عيدالاضحٰي جي موقعي تي کلون جمع ڪرڻ جي سلسلي ۾ محنت کان آگاھ ڪيو. جناب الطاف حسين ڪارڪنن جي ڪارڪردگي ۽ محنت کي ساراهيندي انهن کي زبردست خراج تحسين ۽ شاباش به پيش ڪئي ۽ تمام گهڻيون دعائون به ڏنيون. انهن ذميوارن ۽ ڪارڪنن کي تلقين ڪندي فرمايو ته عوام سان ڊيلنگ ڪندي اوهان جو رويو حاڪمانه يا جارحانه نه بلڪه عاجزي ۽ انڪساري وارو هجڻ گهرجي.اهو ئي تنظيم جو نکار آهي ۽ جيڪي ڪارڪنَ ان رويي کي اپنائن ٿا ته اهي ئي تنظيم ۽ تحريڪ جي نيڪ نامي جو باعث بڻجن ٿا ۽ جيڪي ان کي وساري ڇڏين ٿا اهي تحريڪ جي لاءِ ندامت جو ڪارڻ بڻجڻ ٿا. اهڙا ماڻهو پنهنجي پاڻ کي هزارين ۽ لکين ماڻهن جي نظرن ڪيرائي وجهن ٿا. انا يا عهدي جو رعب ۽ تڪبر ڪڏهن به انسان جي دماغ  ۾ نه اچڻ گهرجي. بلڪه ذميوارَ پنهنجي پاڻ کي ساٿين جو خادم، انهن جو همدرد ۽ مددگار سمجهن.جناب الطاف حسين ذميوارن ۽ ڪارڪنن کي هدايت فرمائي ته اهي تحريڪ جي ڪم کي اڳتي وڌائڻ جي لاءِ عيد کان فورن بعد عوامي رابطا مهم جو آغاز ڪري ڇڏين ۽ تحريڪ جي پيغام کي پنجاب جي شهرن ۽ ڳوٺن تائين پهچائن. انهن ڏکين حالتن جي باوجود ڪي ڪي ايف جي لاءِ کلون جمع ڪرڻ تي ايم ڪيو ايم اپر پنجاب زون جي ذميوارن ۽ ڪارڪنن کي خراج تحسين به پيش ڪيو.