ڪراچي اليڪٽرڪ ۾ اردو ڳالهائڻ وارن ڪراچي جي باصلاحيت نوجوانن کي ڀرتين ۾ نظر انداز ڪرڻ تي حق پرست نمائندن جي طرفان ڳڻتي جو اظهار.
ڪراچي؛20 سيپٽمبر؛2014
متحده قومي موومينٽ جي سنڌ اسيمبلي جي ميمبرن ڪراچي اليڪٽرڪ انتظاميه جي طرفان ڀرتين ۾ اردو ڳالهائڻ وارن ڪراچي جي باصلاحيت نوجوانن کي نظر انداز ڪرڻ تي وڏي ڳڻتي جو اظهار ڪندي ان کي تعصب وارو رويو قرار ڏنو آهي.پنهنجي هڪ بيان ۾ انهن چيو ته ڪي اليڪٽرڪ ڪراچي ۾ بجلي جو ادارو آهي ۽ ان ۾ ڪراچي جي نوجوانن جو حق آهي. پر ڪي اليڪٽرڪ جي تعصب رکندڙ انتظاميه ڪراچي جي اردو ڳالهائڻ وارن جو حق ماري نه صرف انهن کي نوڪرين کان محروم ڪري رهي آهي بلڪه انهن جي جڳهن تي ڪراچي کان علاوه ٻين هنڌن جي ماڻهن کي سفارشن تي ڀرتي ڪري رهي آهي، جنهن جي ڪري ڪراچي جي نوجوانن ۾ وڏي ڪاوڙ جي لهر پاتي وڃي ٿي.انهن چيو ته اهو تعصب وارو سلوڪ بند ڪيو وڃي ۽ ڪراچي جي نوجوانن ۾ وڌندڙ مايوسين کي فوري طور تي ختم ڪيو وڃي.انهن گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته ڪي اليڪٽرڪ جي ڀرتين ۾ ڪراچي جي اردو ڳالهائڻ وارن نوجوانن کي نظر انداز ڪرڻ جو نوٽس ورتو وڃي.